ନୂଆଦିଲ୍ଲୀ: ଦିଲ୍ଲୀରୁ ୮୨ ବିମାନର ଉଡ଼ାଣ ବାତିଲ କରାଯାଇଥିବା ସୂଚନା ମିଳିଛି। ଦିଲ୍ଲୀରୁ ପୋର୍ଟ ବ୍ଲେୟାର, ହାଇଦ୍ରାବାଦ, ମୁମ୍ବଇ, ଇନ୍ଦୋର ଉଡ଼ାଣ କରିବାକୁ ଥିବା ବିମାନ ବାତିଲ କରାଯାଇଛି। ସେହିପରି ମୁମ୍ବଇରେ ବି ଏଭଳି ଅବସ୍ଥା ସୃଷ୍ଟି ହୋଇଛି। ମୁମ୍ବାଇରୁ ଗୌହାଟୀ ବିମାନ ବାତିଲ କରାଯିବା ପରେ ଯାତ୍ରୀଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଥିଲା। ଦିଲ୍ଲୀରୁ ୧୯୦ ବିମାନ ଉଡ଼ାଣ କରିବା ସହିତ ୧୯୦ ବିମାନ ଲ୍ୟାଣ୍ଡ କରିବା ନେଇ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଅନୁମାନ କରାଯାଇଥିଲା। କିନ୍ତୁ ପରବର୍ତ୍ତୀ ସମୟରେ ୧୧୮ ବିମାନ ଲ୍ୟାଣ୍ଡ କରିବା ସହିତ ୧୨୫ ବିମାନ ଉଡ଼ାଣ କରିବ ବୋଲି ସୂଚନା ଦିଆଯାଇଛି। ଅଧିକ ବିମାନ ଉଡ଼ାଣ ନେଇ ବିଭିନ୍ନ ରାଜ୍ୟରୁ ଅନୁମତି ନ ଥିବା କାରଣରୁ ଉଡ଼ାଣ ବାତିଲ ହୋଇଥିବା କୁହାଯାଉଛି।