ରାଉରକେଲା : ଚାରି ମାସର ହାତୀ ଛୁଆକୁ ହତ୍ୟା କରିଥିବା ଅଭିଯୁକ୍ତକୁ ଗିରଫ କରିଛି ବନବିଭାଗ । ଅଭିଯୁକ୍ତ ପିତ ମହଲ ଗ୍ରାମର ରୁପୁ ବାରଲା । ତାଙ୍କ ନିକଟରୁ ବିଭିନ୍ନ ବନ୍ୟ ଜନ୍ତୁଙ୍କର ସିଙ୍ଗ ଦାନ୍ତ ସହ ଧନୁ ଫାସ ଆଦି ଜବତ ହୋଇଛି । ଏହି ସମ୍ବଦ୍ଧରେ ତଦନ୍ତ ଜାରି ରଖିଥିବା ଡ଼ି ଏଫ୍ ଓ ସଞ୍ଜୟ ସ୍ୱାଇଁ ସୂଚନା ଦେଇଛନ୍ତି ।
ସେହିପରି ସୁନ୍ଦରଗଡ଼ ଜିଲ୍ଲାର କୁଆଁରମୁଣ୍ଡା ରେଞ୍ଜର ଋତୁକୁପେଡ଼ି ସାନଡେ଼ାଲାକୁଦୁର ଜଙ୍ଗଲରେ ଫାସ ପକାଇ ଏକ ହାତୀ ଛୁଆକୁ ହତ୍ୟା କରାଯାଇଛି । ବାରହା ଓ ଠେକୁଆ ଧରିବା ପାଇଁ ବିଛା ଯାଇଥିବା ଫାସରେ ହାତୀ ଛୁଆଟି ଛନ୍ଦି ହୋଇ ପ୍ରାଣ ହରାଇଥିଲା । ତେବେ ମୃତ ହାତୀ ଛୁଆଟିକୁ ନିକଟସ୍ଥ ପେଖରୀରେ ଫିଙ୍ଗି ଦେଇଥିଲେ ଶୀକାରୀ । ପେଖରୀରେ ମୃତ ହାତୀ ଛୁଆ ଭାସୁଥିବାର ଦେଖି ଲୋକମାନେ ବନବିଭାଗକୁ ଖବର ଦେଇଥିଲେ । ରାଉରକେଲା ବନଖଣ୍ଡ ଅତିରିକ୍ତ ବନସଂରକ୍ଷକ ଦୀଲିପ ସାହୁ ପହଂଚି ହାତୀର ଶବକୁ ବ୍ୟବଛେଦ କରିଥିଲେ ।