ସୁନ୍ଦରଗଡ଼ : ସୁନ୍ଦରଗଡ଼ ଜିଲା କୋଇଡ଼ା ଥାନା ଅଧୀନସ୍ତ ବଣାଇ ଅଂଚଳରେ ଗୁରୁବାର ଏକ ଅଭାବନୀୟ ଘଟଣା ଘଟିଛିି । ଏଥିରେ କୋଇଡ଼ା ଥାନା ମସଜିଦ ଗଳିରେ ଥିବା ଏକ ବନ୍ଦ ଘର ଭିତରୁ ପରିବାରର ଜଣେ ମହିଳାଙ୍କ ସହିତ ଏକ ୩ବର୍ଷ ବୟସ ଝିଅର ମୃତଦେହ ଉଦ୍ଧାର କରାଯାଇଛି । ଏଥି ସହିତ ସେହି ଘରଠାରୁ କିଛିି ଦୂରରେ ଥିବା ଜଙ୍ଗଲରୁ ମୃତ ମହିଳାଙ୍କ ସ୍ୱାମୀର ମୃତଦେହ ଉଦ୍ଧାର କରାଯାଇଛି । ସେମାନଙ୍କର ମୃତ ଦେହ ଗୁଡ଼ିକ ଅଲଗା ଅଲଗା ସ୍ଥାନରେ ମିଳିଥିବା ବେଳେ ମୃତକଙ୍କ ପରିଚୟ ଏ ପର୍ଯ୍ୟନ୍ତ ଅସ୍ପଷ୍ଟ ରହିଛି । ମହିଳାଙ୍କ ମୃତ ଦେହ ଘର ଭିତରେ ଝୁଲୁଥିବା ବେଳେ ଶିଶୁ କନ୍ୟାର ମୃତଦେହ ତଳେ ପଡ଼ିଥିବା ଅବସ୍ଥାରେ ଜବତ କରାଯାଇଛି । ସମସ୍ତଙ୍କ ମୃତ୍ୟୁ ସନ୍ଦେହଜନକ ଥିବା ବେଳେ ପଡେ଼ାଶୀଙ୍କ ଠାରୁ ଖବର ପାଇ ପୁଲିସ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।