କଟକ: ଦୁର୍ଦ୍ଦାନ୍ତ ଅପରାଧୀ ଶେଖ୍ ବାବୁ ଚନ୍ଦକାରୁ ବାରଙ୍ଗ ଆଡ଼କୁ ଆସୁଥିବା ବେଳେ ଦରଘାବଜାର ଥାନା ପୁଲିସ ଓ ସ୍ପେସାଲ ସ୍କ୍ୱାଡ଼୍ ତାଙ୍କୁ ଗିରଫ କରିବାକୁ ଚେଷ୍ଟା କରିଥିଲେ । କିନ୍ତୁ ସେ ପୁଲିସ ଉପରକୁ ଗୁଳି ଚଳାଇବାରୁ ପୁଲିସ ପାଲଟା ଗୁଳି କରିଥିଲେ । ପୁଲିସର ଗୁଳି ବାବୁର ବାମ ଗୋଡ଼ରେ ବାଜିଛି । ଆହତ ବାବୁକୁ କଟକ ବଡ଼ ଡକ୍ତଖାନାରେ ଭର୍ତି କରାଯାଇଛି । ସେକ୍ ବାବୁର ଗୁଳିରେ ସ୍ପେସାଲ ସ୍କ୍ୱାଡ଼ ହାବିଲଦାର ତୋଫାନ ବେହେରା ଆହତ ହୋଇଛନ୍ତି । ପୁଲିସ ବାବୁ ନିକଟରୁ ଏକ ୯ ଏମ୍ଏମ୍ ପିସ୍ତଲ, ଗୋଟିଏ ରାଉଣ୍ଡ ଗୁଳି ସହିତ ଏକ ଆକ୍ଟିଭା ସ୍କୁଟି ଜବତ କରିଛି ।