ଭୁବନେଶ୍ୱର : ଦିନକ ପରେ ସାରା ରାଜ୍ୟରେ ଲାଗୁ ହେବ ଲକଡାଉନ । ଆଉ ତା ପୂର୍ବରୁ ମଦ ପାଇଁ ମଦ ଦୋକାନ ଆଗରେ ଲମ୍ବା ଲାଇନ ଲାଗିଛି । ରାଜଧାନୀର ବିଭିନ୍ନ ଫରେନ ଲିକର ସପ ଆଗରେ ମଦ କିଣିବାକୁ ଲୋକଙ୍କ ଗହଳି ଦେଖିବାକୁ ମିଳିଛି । ୧୪ ଦିନିଆ ଲକଡାଉନ ପାଇଁ ମଦ ନିଶାରେ ଚୁର ହେବା ପାଇଁ ଭିଡ ଜମାଇଛନ୍ତି । ଲକଡାଉନ ସମୟରେ ଅତ୍ୟାବଶ୍ୟକ ସାମଗ୍ରୀ ବିକ୍ରି ପାଇଁ ଅନୁମତି ରହିଛି । ତେଣୁ ୧୪ ଦିନ ଚଳିବା ପାଇଁ ମଦ କିଣିବାକୁ ଲୋକଙ୍କ ଭିଡ ଜମିଛି । ଲୋକେ ବୋତଲ ବୋତଲ ମଦ ଘରକୁ ବୋହି ନେଉଥିବା ଦେଖିବାକୁ ମିଳିଛି । ହେଲେ ମଦ କେବଳ ପୁରୁଷ କିଣୁଛନ୍ତି ତା ନୁହେଁ, ମହିଳାମାନେ ମଧ୍ୟ ମଦ କିଣୁଥିବା ଦୃଶ୍ୟ କ୍ୟାମେରାରେ କଏଦ ହୋଇଛି ।