ବ୍ରହ୍ମପୁର: ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ୍ ବଡ଼ଡୁମ୍ବୁଳା ପଞ୍ଚାୟତର ବାଗଡ ଗ୍ରାମର ହରିଜନ ସାହିରେ ଗତକାଲି ବିଳମ୍ବିତ ରାତିରେ ଭୟାବହ ଅଗ୍ନକାଣ୍ଡ ଘଟି ୫ଟି ପରିବାରର ଘର ଭସ୍ମୀଭୂତ ହୋଇଛି । ଏଥିରେ ଲକ୍ଷାଧିକ ଟଙ୍କାର ଧନ ସମ୍ପତ୍ତି ନଷ୍ଟ ହୋଇଛି । ସୂଚନା ଅନୁଯାୟୀ, ରାତିରେ ସମସ୍ତେ ଖାଇପିଇ ଶୋଇଥିଲେ । ହଠାତ୍ ନିଆଁ ଲାଗି ଯିବା ଦେଖି କିଛି ଲୋକ ଉଠି ଚିତ୍କାର କରିଥିଲେ । ପରେ ନିଆଁ ଲାଗିଥିବା ଘରର ଲୋକେ ସୁରକ୍ଷିତ ଭାବେ ଉଠିଯାଇଥିଲେ । ଏହି ଅଗ୍ନକାଣ୍ଡରେ ଦୁର୍ଲଭ ସେଠୀ , କାଳିଆ ସେଠୀ , ରବି ସେଠୀ , ଦଣ୍ଡାସି ସେଠୀ ଓ କୃଷ୍ଣ ସେଠୀଙ୍କ ଘର ଜଳି ଯାଇଛି । କିନ୍ତୁ ଏଥିôରେ କେହି ମୃତାହତ ହୋଇଥିବା ଖବର ଆସି ନାହିଁ । ବିଳମ୍ବତ ରାତିରେ କୌଣସି କାରଣରୁ ନିଆଁ ଲାଗିଥିବା କୁହାଯାଉଛି । ଗ୍ରାମବାସୀମାନେ ନିଆଁକୁ ଆୟତ କରିବାକୁ ପ୍ରୟାସ କରିଥିଲେ । ଖବର ପାଇଁ ଅଗ୍ନିଶମ ବିଭାଗ କର୍ମଚାରୀମାନେ ମଧ୍ୟ ପହଂଚିଥିଲେ ଓ ନିଆଁ ଲିଭାଇ ଥିଲେ ଅଗ୍ନି ବିପନ୍ନ ପରିବାର ଗୁଡିକ ଅତି ଗରିବ ଶ୍ରେଣୀର ହୋଇଥିରୁ ସେମାନଙ୍କୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ମାନେ ଦାବି କରିଛନ୍ତି ।