ଭୁବନେଶ୍ୱର- ଆରମ୍ଭ ହୋଇପାରୁ ନାହିଁ ଅନଲାଇନ ରେଳ ଟିକଟ ବୁକିଂ । ଏନେଇ ସୂଚନା ଦେଇଛି ରେଳବାଇ । ଜୁନ ପହିଲାରୁ ୨୦୦ ଯାତ୍ରୀବାହୀ ଟ୍ରେନ ଚାଲିବା ନେଇ ବୁଧବାର ସୂଚନା ଦିଆଯାଇଥିଲା । ଗୁରୁବାର ଠାରୁ ଅନଲାଇନରେ ଟିକଟ ବୁକିଂ ଆରମ୍ଭ ହେବାର ଥିଲେ ହିଁ ଟେକନିକାଲ ସମସ୍ୟା ଯୋଗୁଁ ହୋଇପାରୁନି । ଅମ୍ଫାନ ବାତ୍ୟା ନେଇ କୋଲକତାରେ ସମସ୍ୟା ସୃଷ୍ଟି ହେବା ଯୋଗୁଁ ସମସ୍ତ ପୂର୍ବାଂଚଳ ଏବଂ ଉତର ପୂର୍ବାଂଚଳ ରାଜ୍ୟ ପାଇଁ ତଥ୍ୟ ମେଳ ଖାଉନଥିବାରୁ ଅନଲାଇନ ବୁକିଂ ବିଳମ୍ବ ହେଉଛି ବୋଲି ଦର୍ଶାଯାଇଛି । ପରେ ଅନଲାଇନ ଟିକଟ ବୁକିଂ ନେଇ ରେଳବାଇ ପକ୍ଷରୁ ସୂଚନା ଦିଆଯିବ ।