ଘୁ.ଉଦୟଗିରି; ଘୁ.ଉଦୟଗିରି ସହରର ଶ୍ରୀରାମପଦା ଠାରେ ଥିବା ସଙ୍ଗରୋଧ ଗୃହରେ ରହୁଥିବା ପ୍ରବାସୀ ଶ୍ରମିକଙ୍କ ବିଶୃଙ୍ଖଳା ଯୋଗୁଁ ତିନିଜଣଙ୍କ ବିରୁଦ୍ଧରେ ସ୍ଥାନୀୟ ଥାନାରେ ମାମଲା ରୁଜୁ ହୋଇଛି। ଠିକ ସମୟରେ ଖାଇବାକୁ ନଦେବା,ପେଟପୁରା ନ ଦେବା,ପାନୀୟ ଜଳ ନଦେବା ଆଦି ସମସ୍ୟା କୁ ନେଇ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାର ବି ଦେଖିବାକୁ ମିଳିଥିଲା। ଭିଡିଓ ପ୍ରସଙ୍ଗରେ ଉକ୍ତ ସଙ୍ଗରୋଧ କେନ୍ଦ୍ର ଦାୟିତ୍ୱରେ ଥିବା ଗ୍ରେସିଙ୍ଗିଆ ସରପଞ୍ଚ ସୁମନ୍ତ ପ୍ରଧାନଙ୍କ କହିଛନ୍ତି, ହାତ ଗଣତି କିଛି ସ୍ଥାନୀୟ ପ୍ରବାସୀ ଶ୍ରମିକ ସଙ୍ଗରୋଧ ଗୃହରେ ଅଯଥାରେ ବିଶୃଙ୍ଖଳା ସୃଷ୍ଟି କରି ବଦନାମ କରିବାକୁ ଚେଷ୍ଟା କରୁଛନ୍ତି। ଗତକାଲି ସେମାନେ ରହୁଥିବା ସଙ୍ଗରୋଧ ଗୃହରେ ଭଙ୍ଗାରୁଜା କରିଛନ୍ତି। ସ୍ଥାନୀୟ ଥାନା ଅଧିକାରୀ ଧିରାଜ ଲେଙ୍କା ଘଟଣାର ତଦନ୍ତ କରି ତିନି ପ୍ରବାସୀ ଶ୍ରମିକଙ୍କ ବିରୁଦ୍ଧରେ ସ୍ଥାନୀୟ ଥାନାରେ କେଶ ନଂ୩୯/୨୦ଧାରା୧୮୮,୨୬୯,୨୭୦,୨୭୧,୨୯୪,୪୨୭,୩୩୨,୩୪ -୩ଏପି ଡେମିକ ଡିଜାଏର ଧାରା ୫୨ ଡିଯାସ୍ତର ମେନେଜମେଣ୍ଟ ଧାରାରେ ମାମଲା ରୁଜୁ କରିଛନ୍ତି। ବିଶୃଙ୍ଖଳା କରୁଥିବା ତିନିଜଣ ପ୍ରବାସୀ ଶ୍ରମିକଙ୍କୁ ଅନ୍ୟ ସଙ୍ଗରୋଧ କେନ୍ଦ୍ରକୁ ସ୍ଥାନାନ୍ତରିତ କରାଯାଛି।