ମୁଜାଫରନଗର: ୟୁପିର ମୁଜାଫରନଗର ଠାରୁ ୩୦ କିମି ଦୂରରେ ଅବସ୍ଥିତ ସୁକରତାଲର ଏକ ଆଶ୍ରମରେ ଶିଶୁମାନଙ୍କୁ ଯୈାନ ନିର୍ଯାତନା ଦିଆଯାଉଥିବାର ଅଭିଯୋଗ ଆସିଛି । ଆଶ୍ରମ ପରିସରରୁ ୧୦ ଜଣ ପିଲାଙ୍କୁ ଉଦ୍ଧାର କରାଯାଇଥିବା ବେଳେ ସେମାନଙ୍କ ଭିତରୁ ୪ ଜଣଙ୍କୁ ଯୈାନ ନିର୍ଯାତନା ଦିଆଯାଇଥିବାର ଡାକ୍ତରୀ ପରୀକ୍ଷାରୁ ସ୍ପଷ୍ଟ ହୋଇଛି । ପୋଲିସର କହିବା ଅନୁସାରେ , ଏହି ଆଶ୍ରମରେ ମିଜୋରାମ ଓ ତ୍ରିପୁରାର ପିଲାମାନଙ୍କୁ ରଖାଯାଉଥିଲା । ଅଭିଭାବକ ମାନେ ପିଲାମାନଙ୍କୁ ଭଲ ଶିକ୍ଷା ଦିଆଯିବ ମନେ କରି ପିଲାମାନଙ୍କୁ ସେଠି ଛାଡିଥିଲେ । ସେଥିପାଇଁ ପ୍ରତିମାସରେ ଆଶ୍ରମକୁ ଟଙ୍କା ବି ପଠାଉଥିଲେ । କିନ୍ତୁ ଆଶ୍ରମର ଭଣ୍ଡ ବାବା ଏବଂ ତାଙ୍କର ସହଯୋଗୀ ପିଲାମାନଙ୍କୁ ଶିକ୍ଷା ଦେବା ବଦଳରେ ସେମାନଙ୍କୁ ଶାରୀରିକ ଶୋଷଣ କରୁଥିଲେ । ପ୍ରତିଦିନ ସଂନ୍ଧ୍ୟାରେ ପିଲାମାନଙ୍କୁ କରୋନା ଭାଇରସ ମେଡିସିନ ବୋଲି କହି ମଦ ପିଇବାକୁ ବାଧ୍ୟ କରାଯାଉଥିଲା । ଆଶ୍ରମର ମହନ୍ତ ସେମାନଙ୍କ ସହ ସମଲିଙ୍ଗୀ ସମ୍ପର୍କ ରଖୁଥିଲେ , କେହି ପିଲା ଏଥି ପାଇଁ ରାଜି ନହେଲେ ତାକୁ ନିର୍ଧୂମ ମାଡ ମାରୁଥିଲେ । ବହୁ ବର୍ଷ ଧରି ସେଠାରେ ପିଲାମାନଙ୍କ ଉପରେ ଏଭଳି ଅତ୍ୟାଚାର କରାଯାଉଥିଲା ।