ନୟାଗଡ : ନୟାଗଡ ଟାଉନ୍ ଥାନା ଡିଆଁପଡା ଗ୍ରାମର ୬୫ ବର୍ଷର ବୃଦ୍ଧଙ୍କୁ ଶିଳରେ ଛେଚି ଅତି ନିର୍ମମ ଭାବେ ହତ୍ୟା କରାଯାଇଛି । ରକ୍ତରେ ଜୁଡୁବୁଡୁ ହୋଇ ଭଙ୍ଗା କୁଡିଆ ଭିତରେ ପଡିଥିବା ଶବକୁ ଟାଉନ୍ ଥାନା ପୁଲିସ୍ ଜବତ କରିଛି । ସାନ ପୁଅ କ୍ଷେତକୁ ପରିବା ତୋଳିବାକୁ ଯାଇଥିବାବେଳେ ବାପାଙ୍କ ମୃତ ଦେହ ଏକ ଭଙ୍ଗା କୁଡିଆ ଭିତରେ ପଡିଥିବା ଦେଖିଥିଲା । ମୁଣ୍ଡ ପାଖରେ ଏକ ଶିଳ ପଡିଥିବାର ଦେଖି ପ୍ରହ୍ଲାଦ ଶୋଇଥିବା ସମୟରେ କେହି ଦୁର୍ବୃତ ତାଙ୍କ ମୁଣ୍ଡକୁ ଶିଳରେ ଛେଚି ହତ୍ୟା କରିଥିବା ଅନୁମାନ କରାଯାଉଛି । ପ୍ରହ୍ଲାଦ ନିଜ ଜମିରେ ଫସଲ ସହିତ ଚୋରା ମଦକାରବାର କରୁଥିବାର ଶୁଣିବାକୁ ମିଳିଛି । କୈାଣସି କାରଣରୁ ପ୍ରହ୍ଲାଦ ମଦ୍ୟପମାନଙ୍କ ଆକ୍ରୋଶର ଶିକାର ହୋଇଥାଇ ପାରନ୍ତି ବୋଲି ପୁଲିସ୍ ଅନୁମାନ କରୁଛି ।