ଭୁବନେଶ୍ୱର: କ୍ରାଇମବ୍ରାଂଚର ଏସଟିଏଫ୍ ଟିମ ପ୍ରାୟ ୮ କୋଟି ଟଙ୍କାର ମୂଲ୍ୟବାନ ରତ୍ନ ପଥର ଜବତ କରିଛି । ସୂଚନା ଅନୁସାରେ କ୍ରାଇମବ୍ରାଞ୍ଚକୁ ମୁଲ୍ୟବାନ ରତ୍ନ ପଥର ଚୋରାଚାଲଣ ହେଉଥିବା ଗୁଇନ୍ଦା ସୂଚନା ମିଳିଥିଲା । ତେବେ ଖବର ପାଇଁ କ୍ରାଇମବ୍ରାଞ୍ଚ ଏସଟିଏମରେ କଳାହାଣ୍ଡି ଜିଲ୍ଲା ଜୁନାଗଡରେ ଚଢାଉ କରିଥିଲେ । ଚଢାଉରେ ୮ କୋଟିରୁ ଅଧିକ ରତ୍ନପଥର ଜବତ କରିଛି । ଏହି ଚୋରା ରତ୍ନ ପଥର କାରବାରରେ ୨ଜଣ ବ୍ୟବସାୟୀ ଗିରଫ ହୋଇଛନ୍ତି । ଏହି ଚୋରା କାରବାରରେ କିଏ ସବୁ ସାମିଲ ଅଛନ୍ତି , ଏହାର ଚେର କେତେବାଟ ପର୍ଯ୍ୟନ୍ତ ଲମ୍ବିଛି ତାହାର ଖୋଳତାଡ କରୁଛି କ୍ରାଇମବ୍ରାଞ୍ଚ ର ଏସଟିଏଫ୍ ଟିମ୍ ।