ଜଳେଶ୍ୱର: କରୋନା ମହାମାରୀକୁ ରୋକିବା ପାଇଁ ରାଜ୍ୟରେ ଲକଡାଉନ୍ କରାଯାଇଥିବା ବେଳେ, ଏହାର ଆଡୁଆଳରେ ବାଲେଶ୍ୱର ଜିଲ୍ଲାରେ ବ୍ରାଉନ୍ ସୁଗାରର କାରବାର ଯୋରସୋରରେ ଚାଲିଛି । ସୂଚନା ଅନୁସାରେ ଜଳେଶ୍ୱର ଥାନା ଅନ୍ତର୍ଗତ ଶେକସରାଇ ଗାଁରେ ସୁକୁମାର ଦାସଗୁପ୍ତା ଦୀର୍ଘ ଦିନ ଧରି ବ୍ରାଉନ୍ ସୁଗାର କାରବାର କରିଆସୁଥିଲା । ଏନେଇ ସ୍ଥାନୀୟ ବାସିନ୍ଦା ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୋଲିସ ଘଟଣା ସ୍ଥଳରେ ପହଁଚି ସୁକୁମାରକୁ ଅଟକ ରଖିଥିବା ବେଳେ ତାର ଅନ୍ୟ ଏକ ସହଯୋଗୀ ଖସି ପଳାଇଯାଇଥିଲା । ଏହି ଘଟଣାରେ ପୋଲିସ ବ୍ରାଉନ୍ ସୁଗାର ଜବତ କରିବା ସହ ସୁକୁମାରକୁ ଗିରଫ କରିଛି ।