ଯାଜପୁର: ପୂର୍ବ ଶତ୍ରୁତାକୁ କେନ୍ଦ୍ରକରି ଯାଜପୁର ଜିଲ୍ଲା ରୋଡ ଥାନା ଅର୍ନ୍ତଗତ ଖଣ୍ଡାହତା ଗ୍ରାମରେ ଗୋଷ୍ଠୀ ସଂଘର୍ଷ ଘଟିଛି । ଏଥିରେ ଦୁଇ ମହିଳାଙ୍କ ସମେତ ଚାରି ଜଣ ଆହାତ ହୋଇଥିବା ସୂଚନା ମିଳିଛି । ଖବର ପାଇ ପୋଲିସ ଘଟଣା ସ୍ଥଳରେ ପହଁଚି ପରିସ୍ଥିତି ନିୟନ୍ତ୍ରଣ କରିବାକୁ ଉଦ୍ୟମ କରିଥିବା ବେଳେ ଉତ୍ୟକ୍ତ ଲୋକେ ପୋଲିସ ଗାଡି ଉପରକୁ ଆକ୍ରମଣ କରିଥିଲେ । ଏଥିରେ ପୋଲିସ ଅଧିକାରୀମାନେ ବର୍ତି ଯାଇଥିବାବେଳେ ଗାଡି ଭାଙ୍ଗି ରୁଜି ଯାଇଛି । ସୂଚନା ଅନୁସାରେ ଗାଁ ତଳ ସାହି ଉପର ସାହି ମଧ୍ୟରେ ପୂର୍ବରୁ ବିଭିନ୍ନ କାରଣ ନେଇ ବିବାଦ ଉପୁଜିବା ସହ ବାରମ୍ବାର ଗଣ୍ଡଗୋଳ ହୋଇଥାଏ । କିନ୍ତୁ ଏହି ଘଟଣାକୁ ନେଇ ଉଭୟ ପକ୍ଷ ପରଷ୍ପର ଉପରେ ଦୋଷ ଲଦାଲଦି ହେଉଥିବା ବେଳେ ପୋଲିସର କୈାଣସି ପ୍ରତିକ୍ରିୟା ମିଳିପାରି ନାହିଁ ।