ଜାମ୍ମୁ, ୧୯.୬ (ଏଜେନ୍ସ): ଜାମ୍ମୁ-କାଶ୍ମୀରର ସୋପିଆନ ଏବଂ ଅବନ୍ତିପୁରା ଅଞ୍ଚଳରେ ଘଟିଥିବା ଦୁଇଟି ପୃଥକ ଏନକାଉଂଟରରେ ଭାରତୀୟ ସେନାକୁ ବଡ ସଫଳତା ମିଳିଛି । ଏହି ୨ଟି ଏନକାଉଂଟରରେ ୮ଆତଙ୍କବାଦୀ ନିହତ ହୋଇଥିବା ସୁଚନା ମିଳିଛି । ସୋପିଆନ ଜିଲ୍ଲାର ମୁନାନ୍ଦ ଅଞ୍ଚଳରେ ଯବାନଙ୍କ ସହିତ ଗୁଳିବିନିମୟରେ ୫ ଅତଙ୍କୀ ଏବଂ ଅବନ୍ତିପୁରାରେ ଘଟିଥିବା ଏନକାଉଂଟରରେ ୩ ଆତଙ୍କୀ ନିପାତ ହୋଇଛନ୍ତି । ସୁଚନା ଅନୁସାରେ, ସୋପିଆନ ମୁନାନ୍ଦ ଅଞ୍ଚଳରେ ବୁଧବାର ରାତି ପ୍ରାୟ୧୨ ଟାରେ ଏନକାଉଂଟର ଆରମ୍ଭ ହୋଇଥିଲା । ଏହାପରେ ଅନ୍ଧାର ଯୋଗୁ ଅପରେଶନକୁ ରୋକାଯାଇଥିଲା । ଗୁରୁବାର ପୁଣି ଏନକାଉଂଟର ଜାରି ରହିଥିଲା, ଯେଉଁଥିରେ ଆଉ ଜଣେ ଆତଙ୍କୀ ନିହତ ହୋଇଥିଲା । ଶୁକ୍ରବାର ସକାଳେ ପୁଣି ଗୁଳି ବିନିମୟ ହୋଇଥିଲା, ଏଥିରେ ୪ଜଣ ଆତଙ୍କୀ ନିହତ ହୋଇଥିଲେ । ଅନ୍ୟପଟେ ଅବନନ୍ତିପୁରା ଅଞ୍ଚଳରେ ଗୁଳିବିନିମୟରେ ୩ଜଣ ଆତଙ୍କବାଦୀ ପ୍ରାଣ ହରାଇଥିଲେ ।