ନୂଆଦିଲ୍ଲୀ, ୨୧.୧୦ (ଏଜେନ୍ସି): କେନ୍ଦ୍ର ସରକାରୀ କର୍ମଚାରୀଙ୍କୁ ମିଳିବ ବୋନସ୍ । ୨୦୧୯-୨୦ ଆର୍ଥିକ ବର୍ଷ ପାଇଁ କେନ୍ଦ୍ର ସରକାରୀ କର୍ମଚାରୀଙ୍କୁ ବୋନସ୍ ଦେବାପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ବୋନସ୍ ପ୍ରଦାନ ପ୍ରସ୍ତାବକୁ ମଞ୍ଜୁରୀ ପ୍ରଦାନ କରିଛନ୍ତି । ବିଜୟା ଦଶମୀ ପୂର୍ବରୁ କେନ୍ଦ୍ର କର୍ମଚାରୀଙ୍କ ଆକାଉଂଟକୁ ଏହି ବୋନସ୍ ଅର୍ଥ ଗୋଟିଏ ଥରରେ ଟ୍ରାନ୍ସଫର ହେବ । ପ୍ରଦଶନ ଓ ଅଣପ୍ରଦର୍ଶନ ଆଧାରରେ ଏହି ବୋନସ ପ୍ରଦାନ କରାଯିବ । ଏ ବାବଦରେ ରାଜକୋଶରୁ ୩୭୩୭କୋଟି ଟଙ୍କା ବ୍ୟୟ ହେବ । ଏହା ଦ୍ୱାରା ୩୦ ଲକ୍ଷରୁ ଉର୍ଧ କେନ୍ଦ୍ର କର୍ମଚାରୀ ଉପକୃତ ହେବେ ବୋଲି ସୂଚନା ଓ ପ୍ରଶାରଣ ମନ୍ତ୍ରୀ ପ୍ରକାଶ ଜାଭେଦକର କହିଛନ୍ତି ।