ଜାମ୍ମୁ-କାଶ୍ମୀରର ନୂଆ ଉପରାଜ୍ୟପାଳ ମନୋଜ ସିହ୍ନା

ଶ୍ରୀନଗର- ମନୋଜ ସିହ୍ନା ହେବେ ଜାମ୍ମୁ-କାଶ୍ମୀରର ନୂଆ ଉପରାଜ୍ୟପାଳ । ଗିରୀଶ ଚନ୍ଦ୍ର ମୁର୍ମୁ ବୁଧାବର ଇସ୍ତଫା ଦେବା ପରେ ମନୋଜ ସିହ୍ନାଙ୍କୁ ନୂଆ ଦାୟିତ୍ୱ ମିଳିଛି । ଏନେଇ ରାଷ୍ଟ୍ରପତି ଭବନ ପକ୍ଷରୁ ବିଧିବଦ୍ଧ ଭାବେ ଘୋଷଣା କରାଯାଇଛି । ଗିରୀଶ ଗତକାଲି ରାମନାଥ କୋବିନ୍ଦଙ୍କ ନିକଟକୁ ଇସ୍ତଫା ପତ୍ର ପଠାଇଥିଲେ, ଓ ରାଷ୍ଟ୍ରପତି ତାକୁ ଗ୍ରହଣ କରିଛନ୍ତି । ଗିରୀଶ ଦେଶର ଆଗାମୀ ସିଏଜି ହୋଇପାରନ୍ତି । ମିଳିଥିବା ସୂଚନାଅନୁଯାୟୀ ୨୦୧୯ ଜାମ୍ମୁ-କାଶ୍ମରୀ ଏବଂ ଲଦାଖ ପୃଥକ କେନ୍ଦ୍ର ଶାସିତ ଅଂଚଳ ହେବାପରେ ଗିରୀଶଙ୍କୁ ଉପରାଜ୍ୟପାଳ ଭାବେ ନିଯୁକ୍ତି ମିଳିଥିଲା । ଗତ ଅକ୍ଟୋବର ମାସରେ ସେ ଦାୟିତ୍ୱ ନେଇଥିଲେ ।