ବେତନଟୀ: ବେତନଟୀ ମାଣତ୍ରୀ ରାସ୍ତାପୋଶ୍ୱର୍ରେ ଥିବା ଏକ କଲୋନୀରୁ ଜଣେ ୩୦ ବର୍ଷୀୟ ପୁରୁଷ କରୋନା ପଜିଟିଭ ଭାବେ ଚିହ୍ନଟ ହୋଇଛନ୍ତି । ଏହି ବ୍ୟକ୍ତି ଜଣକ ଦିବ୍ୟାଙ୍କ ଓ ତିନି ଚକିଆ ଗାଡିରେ ବୁଲି ଭିକ୍ଷା ବୃତି କରି ଚଳନ୍ତି । ପ୍ରତ୍ୟକ ଦିନ ସେ ବେତନଟୀ, ଦାନ୍ତିଆମୁହଁ, ମାଣତ୍ରୀ, ବଡସାହି, ବୈଶିଙ୍ଗର ସହିତ ବିଭିନ୍ନ ସ୍ଥାନର ହାଟ ଓ ଦୈନିକ ମାର୍କେଟକୁ ଯାଇ ଭିକ୍ଷା କରି ଚଳନ୍ତି ବୋଲି ଜଣା ପଡିଛି । ସେ ଅସୁସ୍ଥ ହେବାରୁ ବେତନଟୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଅଣାଯାଇ ତାଙ୍କଠାରୁ ନମୁନା ଓ ଟି-ସ୍ୱାବ ସଂଗ୍ରହ କରି ପରୀକ୍ଷା ପରେ କରୋନା ପଜିଟିଭ ବୋଲି ଜଣାପଡିଥିଲା । ଏହା ପରେ ତାଙ୍କୁ କୋଭିଡ ଆମ୍ବୁଲାନ୍ସରେ ନିଜ ପିତାଙ୍କ ସହିତ ବାଙ୍କିଶୋଳ କରୋନା ଡାକ୍ତରଖାନାକୁ ନିଆଯାଇଛି ।