ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଉ ଏକ ରେକର୍ଡ କରିଛନ୍ତି । ଦେଶର ପ୍ରଥମ ଅଣକଂଗ୍ରେସ ପ୍ରଧାନମନ୍ତ୍ରୀ ଭାବେ ସର୍ବାଧିକ ଦିନ ଶାସନ କରିବାର ସୁଯୋଗ ୬୭ ବର୍ଷୀୟ ମୋଦୀ ହାସଲ କରିଛନ୍ତି । ପୂର୍ବରୁ ଅଟଳ ବିହାରୀ ବାଜପେୟୀ ଅଣକଂଗ୍ରେସ ପ୍ରଧାନମନ୍ତ୍ରୀ ଭାବେ ସର୍ବାଧିକ ୨୨୬୮ ଦିନ ଶାସନ କରିବାର ସୋଭାଗ୍ୟ ମୋଦୀ ଆଜି ସେହି ରେକର୍ଡକୁ ଭାଙ୍ଗିଛନ୍ତି ବୋଲି ବିଜେପିର ଆଇଟି ଶାଖା ପକ୍ଷରୁ ଟ୍ୱିଟ୍ କରି ସୂଚନା ଦିଆଯାଇଛି । ଦେଶରେ ସର୍ବାଧିକ ଦିନ ଶାସନ କରିଥିବା ପ୍ରଧାନମନ୍ତ୍ରୀ ମଧ୍ୟରେ ମୋଦୀ ଚତୁର୍ଥ ସ୍ଥାନରେ ରହିଛନ୍ତି । ଜବାହରଲାଲ ନେହରୁ ସର୍ବାଧିକ ୧୬ ବର୍ଷ ୨୮୬ ଦିନ ପ୍ରଧାନମନ୍ତ୍ରୀ ଚୌକିରେ ବସିଥିବା ବେଳେ ତାଙ୍କ ଝିଅ ତଥା ଇନ୍ଦିରା ଗାନ୍ଧି ଏ କ୍ଷେତ୍ରରେ ଦ୍ୱିତୀୟ ସ୍ଥାନରେ ରହିଛନ୍ତି । ଇନ୍ଦିରା ପ୍ରଧାନମନ୍ତ୍ରୀଭାବେ ୧୧ ବର୍ଷ ୫୯ ଦିନ କାର୍ଯ୍ୟ କରିଥିଲେ । ଇନ୍ଦିରାଙ୍କ ପଛକୁ ତୃତୀୟ ସ୍ଥାନରେ ମନମୋହନ ସିଂହରହୀଛନ୍ତି । ମନମୋହନ ପ୍ରଧାନମନ୍ତ୍ରୀ ପଦରେ ୧୦ ବର୍ଷ ୪ ଦିନ କାର୍ଯ୍ୟ କରିଛିନ୍ତି ।