ନୂଆଦିଲ୍ଲୀ: ମହାମାରୀ କରୋନା ସଂକ୍ରମଣ ଦେଶରେ ପୁଣି ଥରେ ଆତଙ୍କ ସୃଷ୍ଟି କରିଛି । ଯାହାକି ଏହି ଅଳ୍ପ ଦିନ ମଧ୍ୟରେ ଅନେକ ଧନ ଜୀବନ ମଧ୍ୟ ଯାଇସାରିଲାଣି । ତଥାପି ଲୋକମାନେ କୋଭିଡ୍ କଟକଣାକୁ ଖାତିର ନକରି ବିନା ମାସ୍କରେ ବାହାରେ ବିଲୁଛନ୍ତି । ତେଶୁ ଲୋକମାନଙ୍କୁ କରୋନା କଟକଣା ପାଳନ ଓ ସଚେତନ ପାଇଁ ଦିଲ୍ଲୀ ପୋଲିସର ଏକ ଅଭିନବ ପ୍ରୟାସ ଦେଖିବାକୁ ମିଳିଛି । ଏଥିରେ ସଚେତନ ପାଇଁ ରାଜଧାନୀ ଦିଲ୍ଲୀର ରାଜରାସ୍ତାରେ ଯମରାଜାଙ୍କ ସହିତ ଯମଦୂତଙ୍କୁ ବୁଲିବାର ଦେଖିବାକୁ ମିଳିଛି । ସେମାନେ ବିକଟାଳ ଶବ୍ଦ କରିବା ସହିତ ଲୋକମାନଙ୍କୁ ସଚେତନ କରାଉଛନ୍ତି । ଏଥିସହ ଦିଲ୍ଲୀର ସାଉଥ୍ ଇଷ୍ଟ ଜିଲ୍ଲାରେ ପୋଲିସ୍ ପକ୍ଷରୁ ମାଷ୍କ ବଣ୍ଟାନ କରାଯାଉଛି । ଯାହାର ଦାୟିତ୍ୱ ଡିସିପି ଆର୍.ପି. ଉିନା ନେଇଛନ୍ତି । ସେହିପରି ବିଭିନ୍ନ ଜନଗହଳି ପୂର୍ଣ୍ଣ ଅଞ୍ଚଳରେ ମଧ୍ୟ ଲୋକମାନଙ୍କୁ ସଚେତନ କରାଯିବାର ଉଦ୍ୟମ ଜାରି ରହିଛି ।