ଚଳନ୍ତା ଟ୍ରେନରୁ ନିଜ ସ୍ତ୍ରୀଙ୍କୁ ଠେଲିଦେଲେ ସ୍ୱାମୀ । ଟ୍ରେନରୁ ଖସିଡିବା ରେ ମହିଳାଙ୍କୁ ମଅତୁ୍ୟ ଘଟିଛି । ଏଭଳି ଏକ ସ୍ପର୍ଶକାତର ଗଟଣା ଘଟିଛି ମୁମ୍ବାଇରେ । ମୁମ୍ବଇର ଏକ ଲୋକାଲ ଟ୍ରେନରେ ଯାତ୍ରା ସମୟରେ ଗୋବଣ୍ଡି ଏବଂ ଚେମ୍ବୁର ଷ୍ଟେସନ ମଧ୍ୟରେ ଏହି ଘଟଣା ଘଟିଥିବା ଜଣେ ପୁଲିସ ଅଧିକାରୀ ସୂଚନା ଦେଇଛନ୍ତି । ଅଭିଯୁକ୍ତ ସ୍ୱାମୀଙ୍କୁ ଗିରଫ କରାଯାଇଛି । ପୁଲିସ ସୂଚନା ଅନୁସାରେ , ମାନଖୁର୍ଦ ଅଂଚଳରେ ରହୁଥିବା ୩୧ ବର୍ଷୀୟ ଅଭିଯୁକ୍ତ ଏବଂ ତା’ର ୨୬ ବର୍ଷୀୟା ସ୍ତ୍ରୀ ଶ୍ରମିକ ଭାବେ କାମ କରୁଥିଲେ । ଦୁଇମାସ ତଳେ ଉଭୟଙ୍କ ବିବାହ ହୋଇଥିଲା । ମହିଳାଙ୍କର ଏହା ଦ୍ୱିତୀୟ ବିବାହ ଥିଲା ବେଳେ ପ୍ରଥମ ବିବାହରେ ତାଙ୍କର ଏକ କନ୍ୟା ସନ୍ତାନ ଥିଲା । ଘଟଣା ସମୟରେ ତାଙ୍କର ୭ବର୍ଷୀୟା ଝିଅ ବି ଟ୍ରେନରେ ଯାତ୍ରା କରୁଥିଲା । ମହିଳା ଜଣଙ୍କ ଟ୍ରେନରେ ଯାତ୍ରା କରୁଥିବାବେଳେ ବଗିର ଦ୍ୱାର ନିକଟରେ ଛିଡା ହୋଇ ବାହାରକୁ ଚାହିଁଥିଲେ । ଏହି ସମୟରେ ତାଙ୍କ ସ୍ୱାମୀ ଆସି ତାଙ୍କୁ ପ୍ରଥମେ ଧରିଥିଲେ ଏବଂ ପରେ ଛାଡି ଦେଇଥିଲେ । ମହିଳା ଜଣଙ୍କ ଚଳନ୍ତା ଟ୍ରେନରୁ ଖସି ଟ୍ରେନ ଲାଇନରେ ଡୀଯାଇଥିଲେ । ଅନ୍ୟ ଜଣେ ମହିଳା ଏହା ଦେଖିଥିଲେ । ତେବେ ଟ୍ରେନ ଗୋବଣ୍ଡି ଷ୍ଟେସିନରେ ଅଟକିବା ପରେ ସମ୍ପୃକ୍ତ ମହିଳା ଜଣଙ୍କ ଜିଆରପିକୁ ଏ ବିଷୟରେ ଜଣାଇଥିଲେ । ଏହା ପରେ ତୁରନ୍ତ ଜିଆରପି ଅଭିଯୁକ୍ତକୁ ଧରି ଘଟଣାସ୍ଥଳକୁ ନେଇଥିଲେ । ସେଠାରେ ପୀଡିତା ମହିଳା ଜଣଙ୍କ ଚେତାଶୂନ୍ୟ ଅବସ୍ଥାରେ ପଡିଥିଲେ । ତୁରନ୍ତ ତାଙ୍କୁ ହସ୍ପିଟାଲ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୁଲିସ ଅଭିଯୁକ୍ତ ସ୍ୱାମୀକୁ ଗିରଫ କରିବା ସହିତ ୭ବର୍ଷୀୟ ଝିଅକୁ ସମ୍ପର୍କୀୟଙ୍କୁ ହସ୍ତାନ୍ତର କରିଛି ।