ପୁରୀରେ ଫାୟାରିଂ, ଯୁବକ ଗୁରୁତର
ପୁରୀ,୩୧.୫(ନି.ପ୍ର.): ଶନିବାର ବିଳମ୍ବିତ ରାତିରେ ପୁରୀରେ ଫୁଟିଛି ଗୁଳି । ଏଥିରେ ଜଣେ ଯୁବକ ଗୁରୁତ ଆହତ ହୋଇଛନ୍ତି । ତାଙ୍କୁ ରାକ୍ତାକ୍ତ ଅବସ୍ଥାରେ ସଦର ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ସେ ହେଲେ ନବକଳେବର ରୋଡ୍ର ଶମ୍ଭୁ ଓରଫ ସୋମନାଥ ବିଶ୍ୱାଳ ୨୧ । ପ୍ରକାଶ ଯେ, ଶମ୍ଭୁ ସହରର ଜଣାଶୁଣା ଅପରାଧୀ ତାହା ଓରଫ ସଞ୍ଜୟ ବେହେରା ଗ୍ୟାଙ୍ଗରେ କାମ କରୁଥିଲେ । ତାରାଙ୍କ ହତ୍ୟାପରେ ଶମ୍ଭୁ କିଛିଦିନ ଧରି ନିବର ଥିଲା । ତେବେ ଦୁଇଦିନ ତଳେ କୁମ୍ଭାରପଡ଼ର କିଛି ଯୁବକଙ୍କ ସହ ଶମ୍ଭୁଙ୍କ ଗୋଷ୍ଠୀର ଝଗଡ଼ା ହୋଇଥିଲା । ଖୋଜୁଥିଲେ । ଶନିବାର ବିଳମ୍ବିତ ରାତିରେ ତାଳବଣିଆ ଥାନା ଅଧିନ ସର୍ବୋଦୟ ନଗରସ୍ଥିତ ପାର୍କରେ ସେମାନେ ଶମ୍ଭୁଙ୍କୁ ପାଇଥିଲେ । ସେମାନେ ତାଙ୍କୁ ଟେକିନେଇ ନିସ୍ତୁକ ମାଡ଼ ମାରିବା ସହ ବନ୍ଧୁକରେ ତାଙ୍କ ମୁଣ୍ଡକୁ ପିଟି ଦେଇଥିଲେ । ଏହା ପରେ ଗୁଳିମାଡ କରିବା ବେଳେ ତାହା ଲକ୍ଷ୍ୟଭ୍ରଷ୍ଟ ହୋଇଥିଲା । ଶମ୍ଭୁ ଚିତ୍କାର କରିବାରୁ ସମ୍ପୃକ୍ତ ଯୁବକମାନେ ଛାଡ଼ି ପଳାଇଥିଲେ । ଖବରପାଇ ତାଳବଣିଆ ଥାନା ପୋଲିସ ସହ ବାଶେଳି ଥାନା ଆଇଆଇସି ଜୀବନାନନ୍ଦ ଜେନାଳ କୁମ୍ଭାରପଡ଼ା ଥାନା ଆଇଆଇସି କୁଳମଣି ସେଠୀ, ସଦର ଥାନା ଆଇଆଇସି ସୁମତୀ ମହାନ୍ତି ପହଂଚି ଶମ୍ଭୁଙ୍କୁ ଡାକ୍ତରଖାନାରେ ଭର୍ତି କରିଥିଲେ । ଇନ୍ସପେକ୍ସର ଶ୍ରୀ ଜେନାଙ୍କ ନେତୃତ୍ୱରେ ଏସ୍ପିଙ୍କ ସ୍ପେଶାଲ ସ୍କ୍ୱାର୍ଡ ଟିମ୍ ଅଭିଯୁକ୍ତଙ୍କକୁ ଧରିବାକୁ ସହର ବିଭିନ୍ନ ସ୍ଥାନରେ ଛଢାଉ ଜାରି ରଖିଛି । ଅନ୍ୟ ପକ୍ଷରେ ଶମ୍ଭୁଙ୍କୁ ପୋଲିସ ମେଡିକାଲରେ ପଚାଉଚରା କରିଛି ।