ଭୁବନେଶ୍ୱର: ପରୀକ୍ଷା ବେଳେ ଜଣେ ଛାତ୍ରଙ୍କୁ ତାଗିଦ୍ କରିବା ଗୁରୁଙ୍କୁ ପଡିଛି ମହଙ୍ଗା । ଛାତ୍ର ଜଣଙ୍କ ଯୁକ୍ତ ୩ ପରୀକ୍ଷାରେ ଗାମୁଛା ନେଇ ପରୀକ୍ଷା ଗୃହରେ ପସିବାରୁ ମଧୁସୂଦନ ଡିଗ୍ରୀ କଲେଜର ପ୍ରିନ୍ସପାଲ ପ୍ରସାନ୍ତ ରାଉତ ଛାତ୍ରକୁ ଗାଳିକରିଥିଲେ । ଛାତ୍ରଟି ଏହି ରାଗରେ ପ୍ରସାନ୍ତ ରାଉତଙ୍କ ମୁଣ୍ଡକୁ ହାତୁଡିରେ ଛେଚି ଦେଇଥିବା ନେଇ ଇନଫୋସିଟ୍ ଥାନାରେ ଅଭିଯୋଗ ଆସିଛି । ପ୍ରସାନ୍ତ ଗୁରୁତର ଅବସ୍ଥାରେ ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଛାତ୍ରଟି ଏବେ ଫେରାର ଥିବାର ସୂଚନା ମିଳିଛି । କଲେଜରେ ଲାଗିଥିବା ସିସି କ୍ୟାମେରାରୁ ସମ୍ପୃକ୍ତ ଛାତ୍ରକୁ ଚିହ୍ନଟ କରିବା ସହ ପୁଲିସ୍ ଘଟଣାର ତଦନ୍ତ ଆରମ୍ଭ କରିଛି ।