ଇସଲାମାବାଦ: ପାକିସ୍ତାନ କ୍ରିକେଟ ଦଳ ବର୍ତ୍ତମାନ ପାକିସ୍ତାନ ସୁପର ଲିଗରେ ବ୍ୟସ୍ତ ଅଛନ୍ତି । ଭାରତରେ ଅନୁଷ୍ଠିତ ହେବାକୁ ଥିବା ୨୦୨୩ ଏକଦିବସୀୟ ବିଶ୍ୱକପ ବିଷୟରେ ଅଧିନାୟକ ବାବର ଆଜମ ଏକ ବଡ଼ କଥା କହିଛନ୍ତି । ଭାରତରେ ଅନୁଷ୍ଠିତ ହେବାକୁ ଥିବା ଏକଦିବସୀୟ ବିଶ୍ୱକପ ପାଇଁ ସେ ସମ୍ପୂର୍ଣ୍ଣ ପ୍ରସ୍ତୁତି କରୁଛନ୍ତି ବୋଲି ସେ କହିଛନ୍ତି । ପାକିସ୍ତାନ କ୍ରିକେଟ ବୋର୍ଡ ଦ୍ୱାରା ଏସିଆ କପ ସ୍ଥାନ ବିବାଦ ମଧ୍ୟରେ ବାବର ଆଜାମଙ୍କ ଏହି ବିବୃତ୍ତି ଟିକେ ଆଶ୍ଚର୍ଯ୍ୟଜନକ ବୋଲି କୁହାଯାଉଛି ।
ପାକିସ୍ତାନ କ୍ରିକେଟ ବୋର୍ଡ ଅତୀତରେ କହିଥିଲା ଯେ ଯଦି ଭାରତ ଏସିଆ କପ ପାଇଁ ପାକିସ୍ତାନ ଆସିବ ନାହିଁ, ତେବେ ଆମେ ମଧ୍ୟ ଏକଦିବସୀୟ ବିଶ୍ୱକପ ପାଇଁ ଭାରତ ଯିବୁ ନାହିଁ । ପାକିସ୍ତାନର ଅନେକ କ୍ରିକେଟର ମଧ୍ୟ ପିସିବିର ଏହି ମନ୍ତବ୍ୟକୁ ସମର୍ଥନ କରିଥିଲେ । ଜିଓ ନ୍ୟୁଜକୁ ଦେଇଥିବା ଏକ ସାକ୍ଷାତକାରରେ ବାବର କହିଛନ୍ତି ଯେ ଭାରତରେ ଆୟୋଜିତ ହେବାକୁ ଥିବା ବିଶ୍ୱକପ ପାଇଁ ଆମେ ପ୍ରସ୍ତୁତ ହେଉଛୁ ।