ରାଉରକେଲା : ସୁନ୍ଦରଗଡ ଜିଲ୍ଲାର ରାଉରକେଲାରେ ଗୋ ମାଂସ ଜବତ କରାଯାଇଛି । ଏହି ମାମଲାରେ ୩ଜଣଙ୍କୁ ଗିରଫ କରିଛି ପୁଲିସ । ଖାଲି ସେତିକି ନୁହେଁ ଗୋ ମାଂସ ଚାଲାଣକାରୀଙ୍କ ଆକ୍ରମଣରେ ବଜରଙ୍ଗ ଦଳର ଜଣେ କର୍ମୀ ମଧ୍ୟ ଗୁରୁତର ଭାବେ ଆହତ ହୋଇଥିବା ଜଣାପଡିଛି । ସୂଚନା ଅନୁସାରେ ସୁନ୍ଦରଗଡ ଜିଲ୍ଲାର ଲାଠିକଠାରୁ ରାଉରକେଲା କୋଏଲ ବ୍ୟାଙ୍କ ବସ୍ତିକୁ ଆସୁଥିବା ଜାଣି ବଜରଙ୍ଗ ଦଳରେ କେତେକ କର୍ମୀ ଜାଣିବାକୁ ପାଇଁ ତାର ପିଛା କରିଥିଲେ । ସେମାନେ ପାନପୋଷ ନିକଟରେ ଉକ୍ତ ଗାଡିକୁ ଅଟକାଇଥିଲେ । ଏହାପରେ ଉଭୟଙ୍କ ମଧ୍ୟରେ ପ୍ରବଳ ପାଟିତୁଣ୍ଡ ହୋଇଥିଲା । ତେବେ ଏହି ସମୟରେ ଗୋ ମାଂସ ଚାଲାଣକାରୀଙ୍କ ଅତର୍କିତ ଆକ୍ରମଣରେ ଆକାଶ ନାୟକ ନାମକ ବଜରଙ୍ଗୀ ଦଳର କର୍ମୀ ଆହତ ହୋଇ ପଡିଥିଲେ । ଏହାପରେ ଆକାଶଙ୍କୁ ତୁରନ୍ତ ଆରଜିଏଚ ରେ ଭର୍ତି କରାଯାଇଥିଲା ।ତେବେ ବଜରଙ୍ଗ ଦଳର କର୍ମୀମାନେ ସେହି ଗାଡିରେ ଥିବା ତିନିଜଣଙ୍କୁ କାବୁ କରିଥିଲେ । ସେମାନେ ହେଲେ ଲାଠିକଟାର ହାସମୀ ନାଜ୍ , ମହମ୍ମଦ ଫିରୋଜ୍ ଓ ଖାଲିଦ୍ କୁରେସୀ । ଏମାନଙ୍କୁ ରଘୁନାଥପାଲି ପୁଲିସୁ ଗିରଫ କରିଥିବା ଜଣାପଡିଛି । ମୁଖ୍ୟ ଅଭିଯୁକ୍ତ ଘଟଣାସ୍ଥଳରୁ ଫେରାର ହେବାରେ ସଫଳ ହୋଇଛି । ତେବେ ପୁଲିସ ଗୋ ମାଂସ ଓ ଗାଡି କୁ ଜବତ କରିଛି ।