ଭୁବନେଶ୍ୱର- ଗତକାଳି ବିଳମ୍ବିତ ରାତିରେ ଭଦ୍ରକ ଓ ଜଗତସିଂପୁର ଜିଲ୍ଲାରେ ବୋମାମାଡ ହୋଇଛି । ଏହି ଘଟଣାରେ ଜଣେ ଯୁବକ ଆହାତ ହୋଇଛନ୍ତି । ମିଳିଥିବା ସୂଚନା ଅନୁଯାୟୀ ଗତକାଲି ସନ୍ଧ୍ୟାରେ ଖାଇବାକୁ ନେଇ ଦୋକାନୀ ଉମାକାନ୍ତ ସାହୁ ଓ ଦୁଇ ଜଣ ଯୁବକଙ୍କ ମଧ୍ୟରେ ବଚସା ହୋଇଥିଲା । ଓ ଦୁଇଜଣ ଯୁବକ ସେଠାରୁ ପଳାଇଥିଲେ । କିନ୍ତୁ ରାତି ପ୍ରାୟ ୧୨ ଟା ସମୟରେ ଉମାକାନ୍ତ ଦୋକାନ ଓ ତା ପାଖରେ ଥିବା ଏକ ଘରକୁ ୨ ଟି ବୋମା ପିଙ୍ଗା ଯାଇଥିଲା । ଏଥିରେ ଦୋକାନର କବାଟ ଭାଙ୍ଗି ଯାଇଥିବା ବେଳେ ପାଖ ଘରର ଆଜବେଷ୍ଟସ ଓ ବାଇକ କ୍ଷତିଗ୍ରସ୍ତ ହୋଇଛି । ଚାନ୍ଦବାଳଇ ପୋଲିସ ଘଟଣା ସ୍ଥଳରେ ପଂହଚି ତଦନ୍ତ ଚଲାଇଛି । ସେହିପରି ଗତକାଲି ରାତିରେ ଜଗତସିଂପୁର ସଦର ଥାନା ଅନ୍ତର୍ଗତ ପଲ୍ଲୀ ଗାଁରେ ବୋମାମାଡ ହୋଇ ଜରେ ଯୁବକ ଆହାତ ହୋଇଛନ୍ତି । ତାଙ୍କୁ ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ସୂଚନାଯୋଗ୍ୟ ଗାଁର ପ୍ରଭାତ ଗାଆଣ ଓ ଅନ୍ୟ ଜଣେ ଯୁବକ ତ୍ରିବେଣୀ ଘାଟ ନିକଟରେ ବସିଥିବା ବେଳେ ନିକଟସ୍ଥ ଅନ୍ନଗଡ ଗାଁର ଜଣେ ଯୁବକ ଓ ତାର ସାଙ୍ଗ ସେଠାରେ ପଂହଚି ସେମାନଙ୍କ ଉପରକୁ ବୋମା ଫିଙ୍ଗି ଥିଲେ । ବୋମା ମାଡରେ ପ୍ରଭାତଙ୍କ ଗୋଡରେ ଆଘାତ ଲାଗିଥିଲା । ପୂର୍ବ ଶତ୍ରୁତାକୁ କେନଜଦ୍ରକରି ଏହି ବୋମାମାଡ କରାଯାଇଛି ବୋଲି ପ୍ରଭାତଙ୍କ ଭାଇ ଅଭିଯୋଗ କରିଛନ୍ତି । ଜଗତସିଂପୁର ସଦର ଥାନା ପୋଲିସ ଘଟଣାର ତଦନ୍ତ କରୁଛି ।