ନୂଆପଡ଼ା: ଓଡ଼ିଶାର ଦୁଇ ପ୍ରବାସୀ ଶ୍ରମିକଙ୍କ ମୃତ୍ୟୁ ଘଟିଥିବାର ସୂଚନା ମିଳିଛି। ପ୍ରାପ୍ତ ସୂଚନା ଅନୁଯାୟୀ ଆଜି ସକାଳେ ଓଡ଼ିଶା-ଛତିଶଗଡ଼ ସୀମାନ୍ତରେ ଥିବା ମହାସମୁନ୍ଦ ନିକଟରେ ୪ଜଣ ପ୍ରବାସୀ ଓଡ଼ିଆ ଶ୍ରମିକ ଚାଲିଚାଲି ନିଜ ଗାଁକୁ ଫେରୁଥିବା ବେଳେ ଏକ ଟ୍ରକ୍ ସେମାନଙ୍କୁ ପଛପଟୁ ଧକ୍କା ଦେଇଥିଲା। ଦୁଇ ମୃତକ ହେଲେ ବୈଷ୍ଣବ ପଟେଲ (୨୫) ଓ ଉପେନ୍ଦ୍ର ପଟେଲ (୩୫)। ଓଡ଼ିଶାର ଏହି ପ୍ରବାସୀ ଶ୍ରମିକମାନେ ମୁମ୍ବାଇରେ କାମ କରୁଥିଲେ । ସେମାନେ ତାଲାବନ୍ଦ ହେତୁ ସେଠାରୁ ଆସିପାରୁ ନ ଥିଲେ। ଅବଶେଷରେ ସେମାନେ ଗତ ୫ ଦିନ ତଳେ ମୁମ୍ବାଇରୁ କଳାହାଣ୍ଡି ଜିଲ୍ଲାର କେଗାଁ ଥାନା ଅନ୍ତର୍ଗତ କୋହରା ଗାଁ ଅଭିମୁଖେ ଯାତ୍ରା ଆରମ୍ଭ କରିଥିଲେ।