ନୂଆଦିଲ୍ଲୀ- ଜାରି ହେଲା ଆଇପିଏଲ କାର୍ଯ୍ୟସୂଚୀ । ରବିବାର ଭାରତୀୟ ବିସିସିଆଇ ପକ୍ଷରୁ ଆଇପିଏଲର ୧୩ଶ ସଂସ୍କରଣର କାର୍ଯ୍ୟସୂଚୀ ଘୋଷଣା କରାଯାଇଛି । ସେପ୍ଟେମ୍ବର ୧୯ ତାରିଖରେ ଆବୁଧାବିରେ ଡିଫେଣ୍ଡିଂ ଚାମ୍ପିୟନ ନେତୃତ୍ୱାଧୀନ ମୁମ୍ବାଇ ଇଣ୍ଡିଆନ୍ସ ଓ ମହେନ୍ଦ୍ର ସିଂହ ଧୋନିଙ୍କ ଚେନ୍ନାଇ ସୁପର କିଙ୍ଗସ୍ ମଧ୍ୟରେ ଖେଳାଯିବ । ରାତି ୭.୩୦ ମିନିଟରେ ଏହା ଖେଳାଯିବ । ସେହିପରି ୨୦ ତାରିଖ ଦିନ ଦୁବାଇରେ ଦିଲ୍ଲୀ କ୍ୟାପିଟାଲ୍ସ ଓ କିଙ୍ଗସ ଇଲେଭେନ୍ ପଞ୍ଜାବ ମଧ୍ୟରେ ଅନୁଷ୍ଠିତ ହେବ । ୨୧ରେ ଦୁବାଇରେ ସନରାଇଜର୍ସ ହାଇଦ୍ରାବାଦ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମୁହାଁମୁହିଁ ହେବେ । ୨୨ ତାରିଖରେ ଶାରଜାରେ ରାଜାସ୍ଥାନ ରୟାଲ୍ସ ଓ ଚେନାଇ ସୁପର କିଙ୍ଗସ ମଧ୍ୟରେ ହେବ । ଦୁବାଇରେ ସର୍ବାଧିକ ୨୪ଟି ମ୍ୟାଚ ଖେଳାଯିବ । ସେହିପରି ଆବୁଧାବିରେ ୨୦ ଏବଂ ଶାରଜାରେ ୧୨ଠଟି ମ୍ୟାଚ ଖେଳାଯିବ । ଆଇପିଏଲ ମ୍ୟାଚ ସେପ୍ଟେମ୍ବର ୧୯ ତାରିଖରୁ ଆରମ୍ଭ ହୋଇ ନଭେମ୍ବର ୧୦ ତାରିଖ ପର୍ଯ୍ୟନ୍ତ ଚାଲିବ ।