ପିପିଲି- ଜଣେ ପରିବା ବ୍ୟବସାୟୀଙ୍କୁ ଖଣ୍ଡାରେ ଆକ୍ରମଣ କରି ୫୦ ହଜାର ଟଙ୍କା ,ସୁନା ଓ ରୁପା ଅଳଙ୍କାର ଲୁଟି ନେଇଛନ୍ତି ଦୁବୃର୍ତ । ଏଭଳି ଘଟଣା ଘଟିଛି ପୁରୀ ଜିଲ୍ଲା ପିପିଲି ଥାନା ଅଂଚଳରୁ । ଗୁରୁତର ଆହାତ ହୋଇଥିବା ପରିବା ବ୍ୟବସାୟୀଙ୍କୁ ମଙ୍ଗଳପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରାଯାଇଛି । ତାଙ୍କ ଘର ପିପିଲି ଥାନା ଅନ୍ତର୍ଗତ ପୋଡଙ୍ଗ ଗାଁରେ । ଏହି ଘଟଣାରେ ପୋଲିସ ଜଣଙ୍କୁ ଅଟକ ରଖିଛି । ମିଳିଥିବା ସୂଚନା ଅନୁଯାୟୀ ବ୍ୟବସାୟୀ ଜଣଙ୍କ ପ୍ରତିଦିନ ତେଇଶିପୁର ବଜାରରେ ବାଇକ ରଖି ଭୁବନେଶ୍ୱର ପରିବା ବେପାର କରିବାକୁ ଯାଆନ୍ତି । ଗତକାଳି ଭୁବନେଶ୍ୱରରୁ ପରିବା ବେପାର ସାରି ଅଟୋରେ ଆସି ତେଇଶପୁର ଠାରେ ଓଲ୍ଲେଇ ଥିଲେ । ସେହିପ ସମୟରେ ଦୁବୃର୍ତ ଆସି ତାଙ୍କୁ ଆକ୍ରମଣ କରିଥିଲେ । ତାଙ୍କ ଠାରୁ ୫୦ ହଜାର ଟଙ୍କା ,ସୁନା ଚେନ, ରୂପା ବେସ୍ରଲେଟ ଲୁଟି ନେଇ ତାଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ପକାଇ ଦେଇ ଯାଇଥିଲେ । ସ୍ଥାନୀୟ ଲୋକେ ରକ୍ତାକ୍ତ ଅବସ୍ଥାରେ ଉଦ୍ଧାର କରି ମଙ୍ଗଳପୁର ଗୋଷ୍ଠୀ ସ୍ୱାସ୍ଥ୍ର୍ୟକେନ୍ଦ୍ରରେ ଭର୍ତି କରିଥିଲେ ।