ବ୍ରହ୍ମପୁର- ଏଣିକି ବ୍ରହ୍ମପୁର ଷ୍ଟେସନରେ ଅଟକିବ ଟ୍ରେନ । କରୋନା କଟକଣା ପାଇଁ ବ୍ରହ୍ମପୁର ଷ୍ଟେସନରେ ଟ୍ରେନ ରହଣି ଉପରେ ଲାଗିଥିବା ପ୍ରତିବନ୍ଧକୁ ରାଜ୍ୟ ସରାକର ହଟାଇ ଦେଇଛନ୍ତି । ଇଷ୍ଟକୋଷ୍ଟ ରେଲୱେକୁ ରାଜ୍ୟ ପରିବହନ ବିଭାଗ ପକ୍ଷରୁ ଚିଠି ଲେଖି ଅବଗତ କରାଯାଇଛି । ତେବେ କେଉଁ କେଉଁ ଟ୍ରେନ ଷ୍ଟେସନରେ ରହିବ ସେ ନେଇ ରେଲୱେ ପକ୍ଷରୁ କୌଣସି ସୂଚନା ମିଳିନି । ଗଞ୍ଜାମ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ଦ୍ରୁତ ବୃଦ୍ଧି ପାଇବା ଯୋଗୁଁ ବ୍ରହ୍ମପୁର ଷ୍ଟେସନରେ ଟ୍ରେନ ରହଣି ଉପରେ କଟକଣା ଲାଗିଥିଲା । ତେବେ ସ୍ଥିତିରେ ସୁଧାର ଆସିବା ଯୋଗୁଁ ଟ୍ରେନ ରହଣି ଉପରେ ପ୍ରତିବନ୍ଧକ ହଟାଇ ଦିଆଯାଇଛି ।