ନୂଆଦିଲ୍ଲୀ: କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) କର୍ଣ୍ଣାଟକ କଂଗ୍ରେସ ସଭାପତି ଡି.କେ ଶିବକୁମାର ଏବଂ ତାଙ୍କ ସାଂସଦ ଭାଇ ଡି.କେ ସୁରେଶଙ୍କ ୧୪ଟି ଆଡ୍ଡା ଉପରେ ଚଢ଼ଉ କରିଛି। ସିବିଆଇ ଦଳ ବେଙ୍ଗାଲୁରୁର ଡୋଡ୍ଡାଲହଲ୍ଲୀ, କନକପୁରା ଏବଂ ସଦାଶିବ ନଗରରେ ଚଢ଼ଉ କରିଛି। ଦୁର୍ନୀତି ମାମଲାକୁ ନେଇ ସିବିଆଇ ଏହି ଚଢ଼ଉ କରିଥିବା ବେଳେ ୫୦ଲକ୍ଷ ଟଙ୍କା ଜବତ କରାଯାଇଥିବା ଖବର ସାମ୍ନାକୁ ଆସିଛି। ଅନୁପଯୁକ୍ତ ସମ୍ପତ୍ତି ହାସଲ ଅଭିଯୋଗରେ ସିବିଆଇ ଡି.କେ ଶିବକୁମାର ଏବଂ ଅନ୍ୟମାନଙ୍କ ବିରୋଧରେ ମାମଲା ରୁଜୁ କରିଥିଲା। ନେତାଙ୍କ ବିରୋଧରେ ହୋଇଥିବା ଦୁର୍ନୀତି ଅଭିଯୋଗର ରାଜ୍ୟ ସରକାର ସିବିଆଇକୁ ଯାଞ୍ଚ ପାଇଁ ଅନୁମତି ଦେଇଥିଲେ। ଅନୁମତି ପରେ କର୍ଣ୍ଣାଟକରେ ୯ଟି, ଦିଲ୍ଲୀରେ ୪ଟି ଏବଂ ମୁମ୍ବାଇରେ ଗୋଟିଏ ସ୍ଥାନରେ ଆଜି ଚଢ଼ଉ କରିଥିଲା ସିବିଆଇ |