ନୂଆଦିଲ୍ଲୀ : ଆସନ୍ତା ୨୦୨୧ ଜନରାଜ୍ୟ ଦିବସ ପରେଡ ଉତ୍ସବର ମୁଖ୍ୟ ଅତିଥି ଭାବେ ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନ୍ସନ୍ଙ୍କୁ ନିମନ୍ତ୍ରଣ କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଧିବଦ୍ଧ ଭାବେ ଜନସନଙ୍କୁ ଏଥିପାଇଁ ନିମନ୍ତ୍ରଣ କରିଛନ୍ତି। ନଭେମ୍ବର ୨୭ରେ ଜନସନଙ୍କ ସହିତ ଫୋନ୍ରେ ଆଲୋଚନାବେଳେ ମୋଦୀ ଏହି ପ୍ରସ୍ତାବ ଦେଇଥିଲେ; ତେବେ ବ୍ରିଟିଶ ଉଚ୍ଚାୟୁକ୍ତଙ୍କ ପକ୍ଷରୁ ଜନସନଙ୍କ ଗସ୍ତ ସମ୍ପର୍କରେ କିଛି ସୂଚନା ମିଳି ନାହିଁ। ଜନସନ ଶୀଘ୍ର ଭାରତ ଗସ୍ତରେ ଆସିବା ପାଇଁ ଆଗ୍ରହୀ ଥିବା ଉଚ୍ଚାୟୁକ୍ତଙ୍କ ପକ୍ଷରୁ କୁହାଯାଇଛି। ଜନସନ ଯଦି ନିମନ୍ତ୍ରଣ ରକ୍ଷା କରନ୍ତି; ତେବେ ଦୀର୍ଘ ୨୭ବର୍ଷ ବ୍ୟବଧାନରେ ସେ ହେବେ ପ୍ରଥମ ବ୍ରିଟିଶ ପ୍ରଧାନମନ୍ତ୍ରୀ। ଶେଷ ଥର ପାଇଁ ୧୯୯୩ରେ ଜନ ମେଜର ଜାନୁଆରୀ ୨୬ କାର୍ଯ୍ୟକ୍ରମରେ ମୁଖ୍ୟ ଅତିଥି ହୋଇଥିଲେ। ଜନସନ ମଧ୍ୟ ମୋଦୀଙ୍କୁ ଆସନ୍ତା ବର୍ଷ ବ୍ରିଟେନ୍ରେ ହେବାକୁଥିବା ଜି-୭ ସମ୍ମିଳନୀରେ ଯୋଗଦେବା ପାଇଁ ନିମନ୍ତ୍ରଣ କରିଛନ୍ତି। ଏହି ସମ୍ପର୍କରେ ବ୍ରିଟିସ ଉଚ୍ଚାୟୁକ୍ତ ପ୍ରବକ୍ତା ନ୍ୟୁଜ୍ ଏଜେନ୍ସି ଏଏନ୍ଆଇକୁ ସୂଚନା ଦେଇ କହିଛନ୍ତି ଯେ ବର୍ତ୍ତମାନ ସୁଦ୍ଧା ଏନେଇ କୌଣସି ସ୍ପଷ୍ଟ ସୂଚନା ଦିଆଯାଇ ନାହିଁ। କିନ୍ତୁ ଏହା ବ୍ରିଟିଶ୍ ପ୍ରଧାନମନ୍ତ୍ରୀ ବୋରିଶ୍ ଜନ୍ସନ୍ କିନ୍ତୁ ଭାରତ ଆସିବା ପାଇଁ ଇଚ୍ଛୁକ ଅଛନ୍ତି ବୋଲି ସେ ଜଣାଇଛନ୍ତି।