ଏଣିକି ଡ୍ରୋନ୍ ଜଗିବ ରାଜଧାନୀ

ଭୁବନେଶ୍ୱର: ଡ୍ରୋନ୍ କ୍ୟାମେରା ଲେନ୍ସରେ ରହିବ ରାଜଧାନୀ । ଦିନ-ରାତି ରାଜଧାନୀକୁ ଜଗିବ । ଏକକାଳୀନ ୩ଟି ଡ୍ରୋନ୍ ଘୂରିବୁଲିବ । ୨୪ ଘଣ୍ଟିଆ ପଇଁତରା ଲାଗି କିଣାଯିବ ୧୫ଟି ଅତ୍ୟାଧୁନିକ ଡ୍ରୋନ୍ । ଏଥିପାଇଁ ଖର୍ଚ୍ଚ ହେବ ଦେଢକୋଟି । କମିସନରେଟ୍ ପୁଲିସର ମଡର୍ଣ୍ଣ କଣ୍ଟେ୍ରାଲ୍ ରୁମ୍ ଅଧୀନରେ ରହିବ ଏକ ଡ୍ରୋନ୍ ହବ୍ୟ ୨୪ ଘଣ୍ଟିଆ ପ୍ରହରା ଦେବା ଭଳି ରାଜଧାନୀ ଆକାଶରେ ଅତିକମ୍ରେ ୩ଟି ଡ୍ରୋନ୍ ପଇଁତରା ମାରୁଥିବ । କଣ୍ଟେ୍ରାଲ୍ ରୁମ୍ ଅଧୀନରେ ଯେପରି ପିସିଆର୍ ଭ୍ୟାନ୍ କାର୍ଯ୍ୟ କରୁଛି, ସେହିଭଳି ଡ୍ରୋନ୍ ମାଧ୍ୟମରେ ଜନସାଧାରଣଙ୍କୁ ଉତ୍ତମସେବା ପ୍ରଦାନ ଲକ୍ଷ୍ୟ ରଖାଯାଇଛି । କଣ୍ଟେ୍ରାଲ୍ ରୁମ୍କୁ ଡାଏଲ୍-୧୦୦ ମାଧ୍ୟମରେ କୌଣସି ସ୍ଥାନରୁ ସୂଚନା ଆସିବା ମାତ୍ରେ ଯେପରି ପିସିଆର୍ ଭ୍ୟାନ୍ ଉକ୍ତ ଘଟଣାସ୍ଥଳରେ ପହଞ୍ଚିଥାଏ, ସେହିପରି ଡ୍ରୋନ୍ ମଧ୍ୟ ଉକ୍ତ ସ୍ଥାନକୁ ଉଡିଯିବ । ଡ୍ରୋନ୍ ଘଟଣାସ୍ଥଳରେ ତୁରନ୍ତ ପହଞ୍ଚି ଲାଇଭ୍ ଚିତ୍ର କଣ୍ଟେ୍ରାରୁମ୍କୁ ପଠାଇବ । କୌଣସି ଘଟଣା ବା ଅଘଟଣର ଗୁରୁôବକୁ ସଙ୍ଗେ ସଙ୍ଗେ ଉପଲବ୍ଧ କରାଯାଇ ଆନୁଷଙ୍ଗିକ ସହାୟତା ସେଠାକୁ ପହଞ୍ଚା ଯାଇପାରିବ । କମିସନରେଟ୍ ପୁଲିସ ପକ୍ଷରୁ ଏଭଳି ଏକ ପ୍ରସ୍ତାବ ରାଜ୍ୟ ସରକାରଙ୍କୁ ଦିଅ ।ଯାଇଥିବା କହିଛନ୍ତି ପୁଲିସ କମିସନର ଡ. ସୁଧାଂଶୁ ଷଡଙ୍ଗୀ । ରାଜଧାନୀର ସୁରକ୍ଷା ଓ ନିରାପତ୍ତା ବ୍ୟବସ୍ଥାକୁ ଅଧିକ ମଜଭୁତ କରିବା ଲାଗି ଏଭଳି ଏକ ଅତ୍ୟାଧୁନିକ ପଦକ୍ଷେପ ନେବାକୁ କମିସନରେଟ୍ ପୁଲିସ ନିଷ୍ପତ୍ତି ନେଇଛି । ରାଜଧାନୀରେ ଗୁରୁତ୍ୱପୂର୍ଣ୍ଣ ପ୍ରତିଷ୍ଠାନ, ଭିଆଇପିଙ୍କ ବାସସ୍ଥାନ ଏବଂ ବହୁ ସମୟରେ ଭିଭିଆଇପି ଆସୁଥିବାରୁ ଏସବୁର ଆବଶ୍ୟକତା ରହିଛି । ସହରର ପ୍ରମୁଖ ଛକ ଗୁଡ଼ିକରେ ସିସିଟିଭି ରହିଛି । ଏହା ସତ୍ତେ୍ୱ ଅନେକ ସମ୍ବେଦନଶୀଳ ସ୍ଥାନ ରହିଛି । ସେସବୁ ସ୍ଥାନ ଗୁଡ଼ିକ ଉପରେ ମଧ୍ୟ ଡ୍ରୋନ୍ ମାଧ୍ୟମରେ ନଜର ରଖାଯାଇପାରିବ । ଜାତୀୟ ରାଜପଥର ଓଭରବ୍ରିଜ୍ ଏବଂ ଅନ୍ୟାନ୍ୟ ସ୍ଥାନ ଉପରେ ଡ୍ରୋନ୍ ନଜର ରଖିପାରିବ । ଦୁର୍ଘଟଣାସ୍ଥଳକୁ ଅତ୍ୟନ୍ତ କମ ସମୟରେ ଡ୍ରୋନ୍ ପହଞ୍ଚିପାରିବ । ସବିଶେଷ ତଥ୍ୟ ମିଳିବା ପରେ ପୁଲିସ ସେହି ହିସାବରେ ତ୍ୱରିତ କାର୍ଯ୍ୟାନୁଷ୍ଠାନ କରିପାରିବ । ଅନେକ ସମୟରେ ରାଜଧାନୀରେ ଅପରାଧୀଙ୍କ ଛିନ୍ତାଇ ବା ରାହାଜାନୀ ଘଟଣା ସମ୍ପର୍କରେ ଅଭିଯୋଗ ହେଉଛି । ତେବେ କେଣ୍ଟ୍ରାଲ୍ରୁମ୍ ଏଭଳି ଖବର ପାଇବା ପରେ ମଧ୍ୟ ସହଜରେ ଅ ।କାଶ ମାର୍ଗରୁ ଅପରାଧୀଙ୍କ ଗତିବିଧି ଉପରେ ନଜର ରଖି ପାରିବ । ସଡ଼କ ପଥରେ ଅପରାଧୀଙ୍କୁ ପିଛା କରିବା ତୁଳନାରେ ସେମାନଙ୍କୁ କିଭଳି କୌଶଳରେ ଧରାଯାଇପାରିବ ସେନେଇ ପୁଲିସ ଡ୍ରୋନ୍ ମାଧ୍ୟମରେ ତ୍ୱରିତ ପଦକ୍ଷେପ ନେଇ ପାରିବ ବୋଲି ପୁଲିସ କମିଶନର ଡ. ଷଡ଼ଙ୍ଗୀ ମତଦେଇଛନ୍ତି । ସୂଚନାଯୋଗ୍ୟ, କରୋନା ଲକ୍ଡାଉନ୍ ସମୟରେ ପ୍ରଥମେ ଦୈ୍ୱତନଗରୀରେ ସହର ଉପରେ ଡ୍ରୋନ୍ ଉଡି ଭଏସ୍ ରେକର୍ଡିଂ ଜରିଆରେ ସତର୍କ ଓ ସଚେତନ କରାଇଥିଲା । ପ୍ରତିଦିନ ସନ୍ଧ୍ୟାପୂର୍ବରୁ ଅତ୍ୟାବଶ୍ୟକ ଦୋକାନ ବଜାର ବନ୍ଦ କରିବା ଓ ରାତି କର୍ଫୁ୍ୟ ଲାଗୁ ହେଉଥିବା ନେଇ ବରାବର ସୂଚନା ଦେବାରେ ସଫଳ ହୋଇଥିଲା । ଏପରିକି କଟକଣା ଉଲ୍ଲଙ୍ଘନ କରାଯାଉଥିବା ସ୍ଥାନଗୁଡିକୁ ମଧ୍ୟ ଚିହ୍ନଟ କରୁଥିଲା ।