ଚେନ୍ନାଇ: ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଦକ୍ଷିଣ ଭାରତୀୟ ସିନେମା ପାଇଁ ଭାରତୀୟ ଫିଲ୍ମ ଜଗତର ସର୍ବୋଚ୍ଚ ସମ୍ମାନ ଦାଦାସାହେବ ଫାଲକେ ଆୱାର୍ଡ-୨୦୨୦ ଘୋଷଣା କରାଯାଇଛି । ନୂଆବର୍ଷ ଅବସରରେ ସୂଚନା ଓ ପ୍ରସାରଣ ମନ୍ତ୍ରାଳୟ ତାମିଲ, ତେଲୁଗୁ, ମଲାୟଲମ ଓ କନ୍ନଡ ଫିଲ୍ମ ଇଣ୍ଡଷ୍ଟ୍ରି ପାଇଁ ଏହି ପୁରସ୍କାର ଘୋଷଣା କରାଯାଇଛି । ଏହି ତାଲିକାରେ ସାଉଥ ଇଣ୍ଡଷ୍ଟ୍ରିର ଅନେକ ନାମୀଦାମି ଅଭିନେତା ତଥା ଅଭିନେତ୍ରୀଙ୍କ ନାଁ ସାମିଲ ଅଛି । ସାଉଥ ସୁପରଷ୍ଟାର ଧନୁଷଙ୍କ ଠାରୁ ଆରମ୍ଭ କରି ଅଜିତ, ରଶ୍ମୀ ଓ ଜ୍ୟୋତିକାଙ୍କ ନାଁ ମଧ୍ୟ ରହିଛି । ଚଳିତ ବର୍ଷ ତାମିଲ ଇଣ୍ଡଷ୍ଟ୍ରିରୁ ଭାରତୀୟ ସିନେମା ଜଗତରେ ସର୍ବୋଚ୍ଚ ସମ୍ମାନ ଦାଦା ସାହେବ ଫାଲ୍କେ ଆୱାର୍ଡ ପାଇବେ ସାଉଥ୍ ଷ୍ଟାର ତଥା ‘କୋଲାଭେରି ଡି’ ଗୀତର ଗାୟକ ଧନୁଷ। ଫିଲ୍ମ ‘ଅସୁରନ୍’ ପାଇଁ ତାଙ୍କୁ ଶ୍ରେଷ୍ଠ ଅଭିନେତା ରୂପେ ସମ୍ମାନିତ କରାଯିବ । ଧନୁଶଙ୍କ ସମେତ ମୋଷ୍ଟ ଭର୍ସଟାଇଲ ଅଭିନେତା ରୂପେ ଅଜିତ କୁମାର, ଅଭିନେତ୍ରୀ ଜ୍ୟୋତିକାଙ୍କୁ ଫିଲ୍ମ ‘ରାମଚାସୀ’ ପାଇଁ ଶ୍ରେଷ୍ଠ ଅଭିନେତ୍ରୀ, ଆର.ପରର୍ଥୀବନଙ୍କୁ ଶ୍ରେଷ୍ଠ ନିର୍ଦ୍ଦେଶକ, ଶ୍ରେଷ୍ଠ ଫିଲ୍ମ ରୂପେ ‘ଟୁ-ଲେଟ୍’ କୁ ଏବଂ ଶ୍ରେଷ୍ଠ ମ୍ୟୁଜିକ ଡିରେକ୍ଟର ରୂପେ ଅନିରୁଦ୍ଧ ରବୀଚନ୍ଦ୍ରଙ୍କୁ ଦାଦାସାହେବ ଫାଲ୍କେ ପୁରସ୍କାରରେ ସମ୍ମାନୀତ କରାଯିବ।