ମୁମ୍ବାଇ:- ଆଉ ନାହାଁନ୍ତି ବଲିଉଡର ଲୋକପ୍ରି୍ରୟ ସଙ୍ଗୀତ ନିର୍ଦେଶକ ୱାଜିଦ୍ ଖାଁ । ସ୍ଥାନୀୟ ଏକ ଘରୋଇ ହସ୍ପିଟାଲରେ ତାଙ୍କର ପରଲୋକ ହୋଇଯାଇଛି । ସେ କିଡନୀ ଓ ଗଳା ସଂକ୍ରମଣରେ ପୀଡିତ ଥିଲେ । ଏହା ସହ ତାଙ୍କର କରୋନା ପଜେଟିଭ୍ ଥିଲା । ତିନିଦିନ ଧରି ସେ ଭେଂଟିଲେଟରରେ ଥିଲେ । ୱାଜିଦ୍ ମୃତ୍ୟୁ ଖବର ସମଗ୍ର ବଲିଉଡ୍ ଜଗତକୁ ବ୍ୟଥିତ କରିଛି । ମୃତୁ୍ୟ ବେଳକୁ ତାଙ୍କୁ ମାତ୍ର ୪୨ ବର୍ଷ ହୋଇଥିଲା ।
ବଲିଉଡର ସମସ୍ତ ତାରକା ଓ ଚଳଚ୍ଚିତ୍ର ଜଗତ ସହିତ ସଂପୃକ୍ତ ସମସ୍ତ ବ୍ୟକ୍ତି ବିଶେଷ ୱାଜିଦ୍ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ସାରା ଦେଶରେ ସାଜିଦ୍-ୱାଜିଦ୍ ଯୋଡିକୁ ମିଳିଥିଲା ସ୍ୱତନ୍ତ୍ର ପରିଚୟ ।
ସଲମାନ ଖାଁଙ୍କ ପ୍ରତିଟି ମୁଭିରେ ସେ ସଙ୍ଗିତ ନିଦେ୍ର୍ଧଶନା ଦେଇଛନ୍ତି । ‘ପ୍ୟାର୍ କିୟା ତୋ ଡରନା କ୍ୟାୟା’ ମୁଭିରୁ କ୍ୟାରିୟର ଆରମ୍ଭ କରିଥିଲେ ସାଜିଦ୍-ୱାଜିଦ୍ ଯୋଡି । ଚୋରି ଚୋରି, ହ୍ୟାଲୋ ବ୍ରଦର,ପାଟର୍ନର, ଦବଙ୍ଗ, ୱଟେଂଡ୍ ଭଳି ସିନେମାରେ ନିଦେ୍ର୍ଧଶନା ଦେବା ସହିତ ଗୀତ ମଧ୍ୟ ଗାଇଥିଲେ ।
ୱାଜିଦ୍ ମୃତ୍ୟୁରେ ବଲିଉଡରେ ଶୋକର ଛାୟା ଖେଳି ଯାଇଛି ।
ବଲିଉଡର ବହୁ ଅଭିନେତା ଓ ଅଭିନେତ୍ରୀ ଟ୍ୱିଟ୍ କରି ଦୁଃଖ ପ୍ରକାଶ କରିଛନ୍ତି । ଭାଇଜାନଙ୍କର ପ୍ରିୟ ନିର୍ଦେଶକ ଥିଲେ ୱାଜିଦ୍ ଖାନ୍ ।
ଶେଷଥର ପାଇଁ ଇଦ୍ରେ ସଲମାନଙ୍କ ‘ଭାଇ ଭାଇ’ ଗୀତ କମ୍ପୋଜ କରିଥିଲେ ୱାଜିଦ୍ । ନ୍ୟାୟବତୀ ପରିବାର ତରଫରୁ ତାଙ୍କୁ ଶ୍ରଦ୍ଧା ସୁମନ ଅର୍ପଣ ସହ ଅମର ଆତ୍ମାର ସଦଗତି କାମନା କରିଛନ୍ତି ।