ଯାଜପୁର: ଯାଜପୁର ଜିଲ୍ଲା ବରୀ ବ୍ଲକ ଭଅଁରା ପଂଚାୟତର ଭଅଁରା ଗ୍ରାମର ମା’ ଥାନପତିଙ୍କର ନିକଟରେ ଥିବା ନଳକୂପଟି ଦୀର୍ଘ ୬ ମାସରୁ ଉଦ୍ଧ୍ୱର୍ ହେବ ଖରାପ ହୋଇପଡିଛି । ଖରାପ ହେବା ପରେ ବିଭାଗ ପକ୍ଷରୁ ମରାମତି କରାଯାଇଥିଲେ ମଧ୍ୟ ନଳକୂପଟି କାର୍ଯ୍ୟକ୍ଷମ ନହେବାରୁ ଧିରେ ଧିରେ ଏହା ସଂପୂର୍ଣ୍ଣ ଖରାପ ହୋଇଯାଇଛି । ବିଭାଗ ପକ୍ଷରୁ ନାଲି ଗାର ମାରି ନଳକୂପର କିଛି ଭାଗକୁ ଖୋଲି ନେଇଯାଇଥିବାର ଜଣାଯାଇଛି । ଏହି ନଳକୂପର ପାଣି ଉପରେ ୧୫ରୁ ଉଦ୍ଧ୍ୱର୍ ପରିବାର ଲୋକ ପାଣି ପାଇଁ ନିର୍ଭର କରିଥାଆନ୍ତି । ନୂଳକୂପଟି ସଂପୂର୍ଣ୍ଣ ଖରାପ ହୋଇଯାଇଥିବାରୁ ସେମାନେ ପାଣି ନୋଟେ ପାଇଁ ବହୁତ ଦୂରକୁ ଯିବା ସହିତ ବହୁତ ଅସୁବିଧାର ସମ୍ମୁଖିନ ହେଉଛନ୍ତି । ଟିକିଏ ପାଣି ପାଇଁ ଲୋକଙ୍କ ଏହି ଅସୁବିଧା ପାଇଁ ତୁରନ୍ତ ଏଠାରେ ନୂତନ ନଳକୂପ କାର୍ଯ୍ୟକ୍ଷମ କରିବା ପାଇଁ ଗ୍ରାମବାସୀଙ୍କ ପକ୍ଷରୁ ଦାବି କରାଯାଇଛି ।