ବାଲିକୁଦା: ବ୍ରାହ୍ଣଣଡିହି ଛକର ଦୋକାନରୁ ହୋଇଥିବା ଚୋରୀ ଘଟଣାରେ ଚୋର ପିକୁଲ ପରିଡ଼ାକୁ କୋର୍ଟ ଚାଲାଣ କରାଯାଇଜ୍ଝଛି । ତାର ଘର ଅନନ୍ତପୁର ଫାଣ୍ଡି ଅଧୀନ ଭୁଆଷୁଣି ଗାଁରେ । ଗତ ଜାନୁଆରୀ ମାସ ୯ ତାରିଖ ରାତିରେ ଏହି ଫାଣ୍ଡି ଅନ୍ତର୍ଗତ ବ୍ରାହଣଡ଼ିହି ଛକର ଲକ୍ଷ୍ମୀ ବଜାର ଠାରେ ଥିବା ଧନେଶ୍ୱର ସାହୁଙ୍କର କମ୍ପୁ୍ୟଟର ଦୋକାନରୁ କମ୍ପୁ୍ୟଟର, ଜେରକ୍ସ ମେସିନ ଓ ପ୍ରିଣ୍ଟର ସମେତ ୧୦ ହଜରା ଟଙ୍କାର ନଗଦ କ୍ୟାସ ଏବଂ ଅନ୍ୟାନ୍ୟ ଜିନିଷ ଚୋରି ଘଟଣାରେ ପିକୁଲ ସାମିଲ ଥିଲା । ମାତ୍ର ଏହି ଚୋରୀରର ମାଷ୍ଟର ମାଇଣ୍ଡ ଧରା ପଡିବା ପରେ ସେ ପିକୁଲର ନା ନେଇଥିଲା । ପରେ ପିଲକୁଲକୁ ଧରିବା ପାଇଁ ପୁଲିସ ଆଗେଇଥିଲା । ହେଲେ ଗିରଫ ଭୟରେ ପିକୁଲ ଭୂବନେଶ୍ୱରରେ ଆତ୍ମ ଗୋପନ କରିଥିଲା । ମାତ୍ର ସେ ଗତକାଲି ଘରକୁ ଆସିଥିବା କୌଣସି ସୂତ୍ରରୁ ଖବର ପାଇ ଫାଣ୍ଡି ଅଧିକାରୀ ନିତ୍ୟାନନ୍ଦ ସ୍ୱାଇଁ ନିଜ ଟିମ ସହ ତାର ଘରେ ଚଢଉ କରି ତାକୁ ଗିରଫ କରିଥିଲା । ସୂଚନା ଥାଉକି ଉକ୍ତ ଦିନ ଗୋଟିଏ ରାତିରେ ଦୁଇଟି ଦୋକାନରୁ ଚୋରୀ ହୋଇଥିଲା । ଏ ନେଇ ଦୋକାନ ମାଲିକ ମାନେ ଫାଣ୍ଡିରେ ଅଭିଯୋଗ କରିଥିଲେ ।