କଟକ: କଟକ ଜିଲ୍ଲା ୧୬ ନମ୍ବର ଜାତୀୟ ରାଜପଥ ଟାଙ୍ଗୀ ବାଇପାସ ନିକଟରେ ପ୍ରବାସୀ ଓଡିଆଙ୍କୁ ନେଇ ଆସୁଥିବା ବସ୍ ଏକ ଟ୍ରକ୍ ସହ ମୁହାଁ ମୁହିଁ ଧକ୍କା ହେବା ଫଳରେ ଟ୍ରକ୍ ଚାଳକଙ୍କ ମୃତ୍ୟୁ ହେବା ସହ ବସରେ ଥିବା ପ୍ରବାସୀ ଆହତ ହୋଇଛନ୍ତି । ମୃତ ଚାଳକଙ୍କ ପରିଚୟ ଅସ୍ପଷ୍ଟ ରହିଛି । ପ୍ରବାସୀମାନେ କଟକ ଓ କେନ୍ଦ୍ରାପଡା ଅଞ୍ଚଳର ବୋଲି ଜଣାପଡିଛି । ବସଟି କେରଳର କୁୁନୁିର ଅଞ୍ଚଳରୁ ଆସୁଥିଲା । ରାସ୍ତା ପ୍ରଶସ୍ତ କାମ ଚାଲୁଥିବାରୁ ଗୋଟିଏ ରାସ୍ତାର ବସ୍ ଟ୍ରକ୍ ଯାଉଥିବା ବେଳେ ଟ୍ରକଟି ଉକ୍ତ ବସକୁ ସାମ୍ନାପଟୁ ଧକ୍କା ଦେଇଥିଲା । ଖବର ପାଇ ଟାଙ୍ଗୀ ପୋଲିସ୍ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରିବା ଯାତ୍ରୀଙ୍କୁ ଅନ୍ୟ ବସ୍ ଯୋଗେ ପଠାଇଛି । ଏହାସହ ଘଟଣାର ତଦନ୍ତ ଆରମ୍ଭ କରିଛି ।