ଭୁବନେଶ୍ୱର- ବିହାର ଓ ଛତିଶଗଡ ଉପରେ ସୃଷ୍ଟ ଟ୍ରପଲାଇନ ପ୍ରଭାବରେ ଓଡିଶାର ବିଭିନ୍ନ ଇଲାକାରେ ଝଡବର୍ଷା ସମ୍ଭାବନା ନେଇ ୧୬ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ଆଂଚଳିକ ପାଣିପାଗ ବିଭାଗ । କୋରାପୁଟ, ନବରଙ୍ଗପୁର, କଳାହାଣ୍ଡି, କନ୍ଧମାଳ, ବଲାଙ୍ଗିର, ସୁବର୍ଣ୍ଣପୁର, ବାଲେଶ୍ୱର, ଢେଙ୍କାନାଳ ଓ କଟକ ଜିଲ୍ଲାରେ ବଜ୍ରପାତ ସହ ଝଡବର୍ଷା ହେବାର ସମ୍ଭାବନା ରହିଛି । ସେହିପରି କଳାହାଣ୍ଡି ,ବରଗଡ, ସୁବର୍ଣ୍ଣପୁର, ଦେବଗଡ, ମୟୂରଭଞ୍ଜ ଓ ବଲାଙ୍ଗିରରେ ବର୍ଷା ସାଙ୍ଗକୁ ୪୦ରୁ ୫୦ କିମି ବେଗରେ ପବନ ବହିବା ନେଇ ସର୍ତକ ସୂଚନା ଦିଆ ଯାଇଛି ।