ଝାରସୁଗୁଡା : ଆଲୁମିନିୟମ ତଥା ମୂଲ୍ୟଯୁକ୍ତ ଉତ୍ପାଦର ଭାରତର ବୃହତ୍ତମ ଉତ୍ପାଦକ ବେଦାନ୍ତ ଲିଃ, ଝାରସୁଗୁଡା, କାରଖାନା ଏବଂ ବଏଲର ନିର୍ଦ୍ଦେଶକ, ଓଡିଶା ସରକାର, ସ୍ୱରୂପ ଜେନାଙ୍କ ଉପସ୍ଥିତିରେ ୫୦ତମ ଜାତୀୟ ସୁରକ୍ଷା ମହୋତ୍ସବକୁ ଆୟୋଜନ କରିବା ପାଇଁ ଏକ ଭର୍ଚୁଆଲ୍ ସମାରୋହ କରିଥିଲେ । ଏହି ସଭାରେ କାରଖାନା ଏବଂ ବଏଲର ଉପ ନିର୍ଦ୍ଧେଶକ ମନୋଜ ମିଶ୍ର ଏବଂ ଅନ୍ୟାନ୍ୟ ନେତୃତ୍ୱ ବୃନ୍ଦ ଅଂଶଗ୍ରହଣ କରିଥିଲେ । ଏହି ସମାରୋହରେ, କମ୍ପାନୀ ଏହାର କର୍ମଚାରୀ ଏବଂ ବ୍ୟବସାୟ ସହଭାଗୀମାନଙ୍କୁ ଏହାର କାର୍ଯ୍ୟରେ ନିରାପତ୍ତା ସୁନିଶ୍ଚିତ କରି କର୍ମକ୍ଷେତ୍ରରେ ଆଚରଣ-ଆଧାରିତ ସୁରକ୍ଷାକୁ ପ୍ରୋତ୍ସାହିତ କରିଥିଲା । ବେଦାନ୍ତରେ ୪ ମାର୍ଚ୍ଚରୁ ୩ ଏପ୍ରିଲ ୨୦୨୧ ପର୍ଯ୍ୟନ୍ତ ୫୦ତମ ଜାତୀୟ ସୁରକ୍ଷା ମହୋତ୍ସବ ପାଳନ କରାଯାଇଥିଲା । ପାଳନ ତଥା ସଚେତନତା ଅଭିଯାନ, ପ୍ରତିଯୋଗିତା, କୁଇଜ୍, ଇଣ୍ଟରାକ୍ଟିଭ୍ ଅଧିବେଶନ ଏବଂ କର୍ମଚାରୀ ତଥା ବ୍ୟବସାୟିକ ଭାଗିଦାରୀମାନଙ୍କ ପାଇଁ ସୁରକ୍ଷା ସ୍ଲୋଗାନ ଲେଖିବା, ସୁରକ୍ଷା ରାଲି ଇତ୍ୟାଦି ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏହି ବର୍ଷର ଜାତୀୟ ସୁରକ୍ଷା ଦିବସ ଥିମ୍ ଥିଲା ବିପର୍ଯ୍ୟୟରୁ ଶିକ୍ଷା ଏବଂ ଏକ ସୁରକ୍ଷିତ ଭବିଷ୍ୟତ ପାଇଁ ପ୍ରସ୍ତୁତି । କମ୍ପାନୀର ନିରାପତ୍ତା-ପ୍ରଥମ ସଂସ୍କୃତି ବିଷୟରେ, ବେଦାନ୍ତ ସିଇଓ ସିଏନ୍ ସିଂ କହିଥିଲେ ଯେ ଆମର ବ୍ୟବସାୟିକ ଆବଶ୍ୟକତା ‘ଜିରୋ ହର୍ମ, ଜିରୋ ୱେଷ୍ଟ ଏବଂ ଜିରୋ ଡିସଚାର୍ଜ’ ପରିସରରେ ପ୍ରତିଷ୍ଠିତ । ଏଠାରେ ଶ୍ରେଷ୍ଠ ଶ୍ରେଣୀର ସୁରକ୍ଷା କାର୍ଯ୍ୟଦକ୍ଷତା ସୁନିଶ୍ଚିତ କରିବା ପାଇଁ ବିଶ୍ୱ-ସ୍ତରୀୟ କାର୍ଯ୍ୟଶୈଳୀର ଅବଲମ୍ବନ କରି ଆମର ସମସ୍ତ କର୍ମଚାରୀ ଏବଂ ହିତାଧିକାରୀଙ୍କ ପାଇଁ ଏକ ‘ଯତ୍ନଶୀଳ ସଂସ୍କୃତି’ ପ୍ରତିପୋଷଣ କରାଯାଏ । ଏହି ଅବସରରେ ସ୍ୱରୂପ ଜେନା କହିଥିଲେ ଯେ ସୁରକ୍ଷା ନିୟମ ଏବଂ ସଂସ୍କୃତି ଦୃଷ୍ଟିରୁ ମୁଁ ବେଦାନ୍ତକୁ ପ୍ରଶଂସା କରେ । ମୁଁ ନିଶ୍ଚିତ ଯେ କମ୍ପାନୀ ଏହାର କର୍ମକ୍ଷେତ୍ରରେ ସୁରକ୍ଷିତ କାର୍ଯ୍ୟ ନିଶ୍ଚିତ କରିବାକୁ ଜାରି ରଖିବ ଏବଂ ଏହାର ସୁରକ୍ଷା ଅଭ୍ୟାସକୁ କ୍ରମାଗତ ଭାବରେ ନବୀକରଣ କରି ପ୍ରତ୍ୟେକ ହିତାଧିକାରୀଙ୍କ ପାଇଁ ଏକ ନିରାପଦ ଏବଂ ସୁସ୍ଥ ପରିବେଶ ପ୍ରତିଜ୍ଞା କରିବ । ବେଦାନ୍ତ ଏହାର ନିରାପତ୍ତା ପରିଚାଳନା ପ୍ରଣାଳୀକୁ କ୍ରମାଗତ ଭାବରେ ନବୀକରଣ କରିବା ସହିତ ଏକ ନିରାପଦ କାର୍ଯ୍ୟକ୍ଷେତ୍ର ସୃଷ୍ଟି ଦିଗରେ ବ୍ୟାପକ କାର୍ଯ୍ୟ କରୁଛି ଯେଉଁଥିପାଇଁ ଏହା ଉଓଓ ର ୧୬ତମ ସୁରକ୍ଷା ପୁରସ୍କାର, ଗ୍ରୀଣ୍ଟେକ୍ ସୁରକ୍ଷା ପୁରସ୍କାର, କାଲିଙ୍ଗ ସୁରକ୍ଷା ଉତ୍କର୍ଷ ପୁରସ୍କାର ଇତ୍ୟାଦି ସହିତ ଅନେକ ପ୍ରଶଂସା ଲାଭ କରିଛି ।