ବରମୁଣ୍ଡା ବସଷ୍ଟାଣ୍ଡରେ ବସକୁ ଅପେକ୍ଷା କରିଥିବା ଜଣେ ଯୁବତୀଙ୍କୁ ଅଶ୍ଳିଳ ଇଙ୍ଗିତ କରାଯାଇଛି । ଗଞ୍ଜାମ ଜିଲ୍ଲା ପୋଲସରା ଅଞ୍ଚଳର ଜଣେ ଯୁବତୀ ଗତ କାଲି ରାତିରେ ବରମୁଣ୍ଡା ବସଷ୍ଟାଣ୍ଡରେ ବସକୁ ଅପେକ୍ଷା କରିଥିଲେ । ଗାଡ଼ି ଆସିବା ବିଳମ୍ବ ହେବାରୁ ସେ ସେଠାରେ ଅପେକ୍ଷା କରି ଛିଡ଼ା ହୋଇଥିଲେ । ଠିକ୍ ସେହି ସମୟରେ ଶଙ୍କର ନାମକ ଜଣେ ନିଷାସକ୍ତ ବ୍ରକ୍ତି ତାଙ୍କ ନିକଟକୁ ଆସିଥିଲା । ଶଙ୍କର ଯୁବତୀଙ୍କ ନିକଟରେ କିଛି ସମୟ ଛିଡ଼ରହେବା ପରେ ହଠାତ୍ ଯୁବତୀଙ୍କ ପ୍ୟାଣ୍ଟକୁ ଧରି ତଳକୁ ଟାଣି ଦେଇଥିଲା । ଯାହା ଫଳରେ ଯୁବତୀ ଜଣକ ଉଲଗ୍ନ ହୋଇଯାଇଥିଲେ । ଏହା ଦେଖି ଯୁବତୀ ଜଣକ ଜୋରରେ ଚିଲାଇବାରୁ ସ୍ଥାନିୟଲୋକେ ସେଠାରେ ରୁଣ୍ଡ ହୋଇ ଶଙ୍କରକୁ କାବୁ କରି ନିସ୍ତୁକ ମାଡ଼ ମାରିଥିଲେ । ଏହା ପରେ ପୋଲିସକୁ ଖବର କରିବାରୁ ଭରତପୁର ପୋଲିସ୍ ଘଟଣା ସ୍ଥଳରେ ପହଞ୍ଚି ଯୁବତୀଙ୍କ ଉଦ୍ଧାର କରିବା ସହିତ ଅଭିଯୁକ୍ତ ଶଙ୍କର ପ୍ରସାଦ ମଲ୍ଲିକଙ୍କୁ ଗିରଫ କରିଛି । ପଚରା ଉଚରାରୁ ଶଙ୍କରର ଘର କଟକ ଜିଲ୍ଲା ମାହାଙ୍ଗା ଅଞ୍ଚଳରେ ବୋଲି ଜଣା ପଡ଼ିଛି । ଏନେଇ ପୋଲିସ୍ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟଚାଲାଣ କରିଛି ।