କଟକ: ଏସସିବି ମେଡିକାଲରୁ ଗ୍ୟାଙ୍ଗଷ୍ଟାର ସେଖ୍ ହାଇଦର ଫେରାର ହେବା ମାମଲାରେ ଅଉ ୨ଜଣ ଗିରଫ ହୋଇଛନ୍ତି । ମଙ୍ଗଳବାର କଟକ ମଙ୍ଗଳାବାଗ ପୋଲିସ୍ ଏମାନଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ଦ୍ୱୟ ହେଲେ ଫେରାର ଦିନ ଡ୍ୟୁଟିରେଥିବା କନଷ୍ଟେବଳ ମହମ୍ମଦ ମୌସିମ ଓ ସମ୍ବଲପୁର ଜେଲର ଜଣେ ୱାର୍ଡର । ଏହା ପୂର୍ବରୁ ହାଇଦର ଫେରାର ମାମଲାରେ ଅନ୍ୟ ୬ ଜଣ ପୋଲିସ କର୍ମଚାରୀଙ୍କୁ ନିଲମ୍ବିତ କରାଯାଇଛି । ତେବେ ହାଇଦର ଫେରାର ହୋଇ ତେଲେଙ୍ଗାନା ପଳାଇଥିଲା । ବାଦାମବାଡ଼ି ଥାନାର ଆଇଆଇସି ରଶ୍ମୀରଞ୍ଜନ ମହାପାତ୍ରଙ୍କ ନେତୃତ୍ୱରେ ଗଠିତ ଟିମ୍ ହାଇଦ୍ରାବାଦ ଓ ତେଲେଙ୍ଗାନା ପୋଲିସ୍ ସହାୟତାରେ ତାଙ୍କୁ ଗିରଫ କରାଯାଇଥିଲା । ସେଠାରୁ ବିମାନ ଯୋଗ ହାଇଦରକୁ ଭୁବନେଶ୍ୱର ଅଣାଯାଇଥିଲା । ତେବେ ପୂର୍ବରୁ ଗ୍ୟାଙ୍ଗଷ୍ଟାର ହାଇଦର ଫେରାର ହେବା ପଛରେ ସମ୍ପୃକ୍ତି ଥିବା ବାଲେଶ୍ୱର ଜିଲ୍ଲା ଭୋଗରାଇ ଅଞ୍ଚଳର ଅର୍ଚ୍ଚନା ପରିଡ଼ା ଓରଫ୍ ଗେହ୍ଲି, କେନ୍ଦ୍ରାପଡ଼ା ଅଞ୍ଚଳର ସେଖ୍ ରେସୁଦ୍ଧିନ୍ ଓ ମାଲଗୋଦାମ ଥାନା ଅଞ୍ଚଳର ଯୋବ୍ରା ଟିଣପିଟା ସାହିର ଶେଖ୍ ଇମ୍ରାନଙ୍କୁ ଶନିବାର ମଙ୍ଗଳାବାଗ ପୋଲିସ୍ ଗିରଫ କରିଛି ।