ଭୁବନେଶ୍ୱର: ପିପିଲି ଉପନିର୍ବାଚନକୁ ନେଇ ସମସ୍ତଙ୍କ ମନରେ ଦ୍ୱନ୍ଦ ଥିବା ବେଳେ ପୁଣି ଥରେ ବଦଳିଛି ଭୋଟିଂ ତାରିଖ । ପୂର୍ବରୁ ମେ ୧୩ ତାରିଖ ଭୋଟ୍ ଗ୍ରହଣ କରାଯିବାକୁ ଘୋଷଣା କରାଯାଇଥିଲା । ହେଲେ ୧୩ ରେ ଇଦ୍-ଉଲ୍-ଫିତର ପଡ଼ୁଥିବାରୁ ନିର୍ବାଚନ କମିସନ୍ ଭୋଟ ଗ୍ରହଣ ତରିଖକୁ ପରିବର୍ତ୍ତନ କରିଛନ୍ତି । ତେବେ ବର୍ତ୍ତମାନ ମେ ୧୬ ରେ ଉପନିର୍ବାଚନ ପାଇଁ ଭୋଟ୍ ଗ୍ରହଣ କରାଯିବ ବୋଲି ନିର୍ଦ୍ଦାରଣ କରାଯାଇଛି । ଏଥିସହ ମେ ୧୯ ରେ ଭୋଟ୍ ଗଣତି କରାଯିବା ଏବଂ ମେ ୨୧ ତରିଖ ସୁଦ୍ଧା ନିର୍ବାଚନର ସମସ୍ତ ପ୍ରକ୍ରିୟା ଶେଷ ହେବ ବୋଲି ନିର୍ବାଚନ କମିସନ ନିର୍ଦ୍ଦେଶ ଦେଇଛନ୍ତି ।