ନୂଆଦିଲ୍ଲୀ : ହିନ୍ଦି ଚଳଚ୍ଚିତ୍ରକୁ ଆଜି ୧୦୮ ବର୍ଷ ପୂରଣ ହୋଇଛି। ୧୯୧୩ ମସିହାର ଆଜିର ଦିନର ପ୍ରଥମ ଭାରତୀୟ ଚଳଚ୍ଚିତ୍ର ରାଜା ହରିଶ୍ଚନ୍ଦ୍ର ରିଲିଜ ହୋଇଥିଲା। ସେବେ ଠାରୁ ନେଇ ଆଜି ପର୍ଯ୍ୟନ୍ତ ସିନେମା ଜଗତର ବହୁ କିଛି ପରିବର୍ତ୍ତନ ଘଟିଛି। ଦାଦା ସାହେବ ଫାଲକେ ଲଣ୍ଡନରୁ ଫେରିବା ପରେ ରାଜା ହରିଶ୍ଚଦ୍ର ନାମକ ଚଳଚ୍ଚିତ୍ର ପ୍ରସ୍ତୁତ କରିଥିଲେ। ଏହାପୂର୍ବରୁ ଭାରତୀୟ ଲୋକେ ସିନେମା ସହ ଜଡିତ ନଥିଲେ ବୋଲି କୁହାଯାଏ। ଏହି ଚଳଚ୍ଚିତ୍ର ଭାରତର ପ୍ରଥମ ପୂର୍ଣ୍ଣ-ଲମ୍ବ- ବିଶିଷ୍ଟ ଚଳଚ୍ଚିତ୍ର କୁହାଯାଏ। ଜାଣନ୍ତୁ ଏହି ଚଳଚ୍ଚିତ୍ର ସହ ଜଡିତ କିଛି ରୋଚକ କଥା ….
ରାଜା ହରିଶ୍ଚନ୍ଦ୍ର ବିନା କଥିତ ( ମୁକ) ଚଳଚ୍ଚିତ୍ର ଥିଲା। ଏଥିରେ ସମ୍ପୂର୍ଣ୍ଣ କାହାଣୀକୁ କେବଳ ଅଙ୍ଗଭଙ୍ଗୀ ଅର୍ଥାତ ଇସାରା ଦ୍ୱାରା କରାଯାଇଥିଲା। ସେହି ସମୟରେ ଭାରତ ଇଂରେଜ ସରକାରଙ୍କ ଅଧୀନରେ ଥିବାରୁ ସ୍ୱାଧୀନତା ପାଇଁ ଖୁବ ଆନ୍ଦୋଳନ ଜାରି ରହିଥିଲା।
ଏହି କାରଣରୁ ଦାଦା ସାହେବ ଫାଲକେ ଏହି ଚଳଚ୍ଚିତ୍ରର କାହାଣୀରେ ମୂଳଦୁଆ ଇଂରେଜ ମାନଙ୍କ ସହ ଲଢେଇରୁ ହିଁ ଆରମ୍ଭ କରିଥିଲେ। ସେହି ସମୟରେ ପ୍ରତ୍ୟେକ ଭାରତୀୟଙ୍କ ମନରେ ମାତ୍ର ଗୋଟିଏ ଇଚ୍ଛା ଥିଲା କିଭଳି ପରାଧୀନତାରୁ ଭାରତରକୁ ସ୍ୱାଧୀନତା ମିଳୁ।
ଚଳଚ୍ଚିତ୍ରରେ ରାଜା ହରିଶ୍ଚନ୍ଦ୍ରଙ୍କର ମହାନତାକୁ ଦର୍ଶାଯାଇଥିଲା। ଜଣେ ସାଧୁ ବେଶରେ କିଭଳି ରାଜାଙ୍କ ଠାରୁ ତାଙ୍କ ପଦ ନେଇ ଥିଲେ, ତାହା ଦର୍ଶାଯାଇଛି। ସେହି ସାଧୁଙ୍କୁ ଇଂରେଜଙ୍କ ସହ ତୁଳନା କରାଯାଇଛି। ସେହି ସମୟରେ ଦାଦା ସାହେବ ଫାଲକେ ରାଜା ହରିଶ୍ଚନ୍ଦ୍ରଙ୍କର ବଜେଟ ୧୫ ହଜାର ଟଙ୍କା ଥିଲା। ଚଳଚ୍ଚିତ୍ରରେ କୌଣସି ମହିଳା କାମ କରିନଥିବା ବେଳେ ଜଣେ ମାତ୍ର କାମ କରିଥିଲେ।
୩ ମେ ୧୯୧୩ ବମ୍ବେ (ବର୍ତ୍ତମାନର ମୁମ୍ବଇ) ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ ଭାବେ ବିବେଚନା କରାଯାଏ। ପ୍ରଚଣ୍ଡ ଖରାରେ କଷ୍ଟ ସହି ଲୋକେ ପ୍ରଥମେ ଏହି ଚଳଚ୍ଚିତ୍ର ପାଇଁ ଟିକେଟ କିଣିବାକୁ ଥିଏଟର ବାହାରେ ଠିଆ ହୋଇଥିଲେ। ଚଳଚ୍ଚିତ୍ର ପ୍ରାୟ ୫୦ ମିନିଟ ସମୟର ଥିଲା। ଏହାର ପୋଷ୍ଟର ଗୁଡିକ ମରାଠୀ ଓ ଇଂରାଜୀ ଭାଷାରେ ତିଆରି କରାଯାଇଥିଲା।