ନୀଳଗିରି: ଦୁର୍ଘଟଣାରେ ଆହତ ହେଲେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ । ବାଲେଶ୍ବର ଜିଲ୍ଲା ସେରଗଡ଼ ଓ ଉଦଳା ରାଜ୍ୟ ରାଜପଥର ପୁଡ଼ାଶୁଳ ଛକ ନିକଟରେ ଏହି ଦୁର୍ଘଟଣା ଘଟିଛି । ମାଲିଆଣି ପଟୁ ଆସୁଥିବା ଏକ ଟ୍ରାକ୍ଟର ସହିତ ପ୍ରତାପଙ୍କ ଗାଡ଼ି ମୁହାଁମୁହିଁ ଧକ୍କା ହୋଇଥିଲା । ଫଳରେ ମନ୍ତ୍ରୀ ସାମାନ୍ୟ ଆହତ ହୋଇଥିବା ବେଳେ ଗାଡ଼ିରେ ବସିଥିବା ମନ୍ତ୍ରୀଙ୍କ ପିଏ, ପିଏସ୍ଓ ଏବଂ ଡ୍ରାଇଭର୍ ମଧ୍ୟ ଆହତ ହୋଇଛନ୍ତି । ତେବେ ସେମାନଙ୍କୁ ନୀଳଗିରି ଡାକ୍ତରଖାନାରେ ଚିକିତ୍ସା କରାଯାଇଛି । ସୂଚନାନୁଯାୟୀ, କେନ୍ଦ୍ରମନ୍ତ୍ରୀ କେସିପୁରା ପଞ୍ଚାୟତ ବଢ଼େଇପଲା ଗ୍ରାମର ଏକ ପରିବାରକୁ ସହାୟତା ପାଇଁ ଯାଉଥିବା ବେଳେ ଏହି ଦୁର୍ଘଟଣା ଘଟିଛି ।