ମୁମ୍ବାଇ: ଗଢ଼ଚିରୌଲୀ ଜିଲ୍ଲା ଅନ୍ତର୍ଗତ ଜଙ୍ଗଲରେ ମହାରାଷ୍ଟ୍ର ପୋଲିସ ‘ସି-୬୦’ କମାଣ୍ଡୋମାନଙ୍କ ସହ ଗୁଳି ବିନିଭୟ କରି ଅନ୍ୟୂନ ୧୩ ଜଣ ମାଓମାଦୀ ନିହତ ହୋଇଥିବା କଥା ଶୁକ୍ରବାର ଦିନ ଜଣେ ବରିଷ୍ଠ ସରକାରୀ ଅଧିକାରୀ କହିଛନ୍ତି । ସଭା କରିବା ଲାଗି ମାଓବାଦୀମାନେ କେମିତି ଫାଣ୍ଡି ନିକଟବର୍ତୀ ପୈଠ ଜଙ୍ଗଲରେ ସମବେତ ହୋଇଥିବା ବେଳେ ଭୋର୍ ପ୍ରାୟ ୫.୩୦ରେ ଗୁଳିବିନିମୟ ଆରମ୍ଭ ହୋଇଥିଲା ବୋଲି ଗଢ଼ଚିରୌଲୀ ‘ଡିଆଇଜି’ ସନ୍ଦୀପ ପାଟିଲ ଗଣମାଧ୍ୟମକୁ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ନିର୍ଦ୍ଦିଷ୍ଟ ସୂଚନାକୁ ଆଧାର କରି ‘ସି-୬୦’ଙ୍କୁ ନେଇ ଗଠିତ ପୋଲିସ ଦଳ ପୈଠି ଜଙ୍ଗଲରେ ତଲାସ ଅଭିଯାନ ଆରମ୍ଭ କରିଥିଲେ । କିନ୍ତୁ, ମାଓବାଦୀମାନେ ପୋଲିସକୁ ଦେଖି ପକାଇ ଆଗୁଆ ଗୁଳି ଚଳାଇଥିଲେ । ପ୍ରାୟ ଏକ ଘଂଟା ଧଣି ପୋଲିସ ଓ ମାଓବାଦୀମାନଙ୍କ ମଧ୍ୟରେ ଗୁଳି ବିନିମୟ ଚାଲିଥିଲା । ଏହାପରେ ବାକି ମାଓବାଦୀମାନେ ଚତୁର୍ପାଶ୍ୱରେ ଥିବା ଜଙ୍ଗଲ ମଧ୍ୟକୁ ପଶି ଅନ୍ତର୍ଦ୍ଧାନ ହୋଇ ଯାଇଥିଲେ ବୋଲି ଗଢ଼ଚିରୌଲୀ ପୋଲିସ ସୁପରିେଂଟଣ୍ଡେଂଟ ଅଙ୍କିତ ଗୋୟାଲ ଗଣମାଧ୍ୟମକୁ କହିଛନ୍ତି । ଘଟଣାସ୍ଥଳରୁ ନିହତ ମାଓବାଦୀମାନଙ୍କର ଶବ ଉଦ୍ଧାର