ଜଗନ୍ନାଥପ୍ରସାଦ : ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ବ୍ଲକ ଅନ୍ତର୍ଗତ ଆଲାଡ଼ି ଗ୍ରାମରେ ପଞ୍ଚୁଦଣ୍ଡ ମହାମିଳନ ଅନୁଷ୍ଠିତ ହୋଇଯାଇଛି | ଏଥିରେ ବଡ଼ବୋରସିଙ୍ଗି, ପୋଚାଲୁଣ୍ଡି, ଢ଼ିଅପଢାଳ, ଘୁ. ପଂକଳବାଡ଼ି, ଚଢିଆପଲ୍ଲୀ ଗ୍ରାମର ଦଣ୍ଡଯାତ୍ରା ଦଳର ମହାକାଳୀ ଓ ମହାଦେବ ମିଳିତ ହୋଇଥିଲେ | ଏହି ମହାମିଳନ କାଳରେ ଝୁଣାର ମହକରେ ମିଳନସ୍ଥଳ ମହକିତ ହୋଇଥିଲା | ଢୋଲ ଓ ଝାଞ୍ଜ ନାଦରେ ଗ୍ରାମ ପ୍ରକମ୍ପିତ ହୋଇଥିଲା | ଏହାକୁ ଦେଖିବାକୁ ଲାଗି ଅଖାପାଖ ଅଞ୍ଚଳର ହଜାର ହଜାର ଶ୍ରଦ୍ଧାଳୁ ସମାବେଶ ହୋଇଥିଲେ | ଜଗନ୍ନାଥପ୍ରସାଦ ପୋଲିସ ଓ ଆଲାଡ଼ି ଗ୍ରାମବାସୀଙ୍କ ସହଯୋଗରେ ଶାନ୍ତି ଶୃଙ୍ଖଳାରେ ନାଟକ ମଞ୍ଚସ୍ଥ ହୋଇଥିଲା |