ଚମ୍ପୁଆ : ଚମ୍ପୁଆ ବିଜ୍ଞାପିତ ଅଂଚଳ ପରିଷଦର ଧରଣୀଧର ଭବନଠାରେ ସହରାଂଚଳ ପ୍ରଧାନମନ୍ତ୍ରୀ ଆବାସ ଯୋଜନା ହିତାଧିକାରୀଙ୍କ ପାଇଁ ଏକ ସାମାଜିକ ସମୀକ୍ଷା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ଏନ.ଏ.ସି ଅଧ୍ୟକ୍ଷ ଗିରିଜା ଶଙ୍କର ସାହୁ, ଉପାଧ୍ୟକ୍ଷା ସୁମିତ୍ରା ବେହେରା ପ୍ରମୁଖ ଯୋଗ ଦେଇ କର୍ମଶାଳାର ଉଦ୍ଦେଶ୍ୟ ଓ ଲକ୍ଷ୍ୟ ଉପରେ ଆଲୋକପାତ କରିଥିଲେ । ସିଟି ମିଶନ ନୋଡାଲ ଅଧିକାରୀ ଅନନ୍ତ ଚରଣ ସାହୁ ଭୋକେସନାଲ କର୍ମକର୍ତ୍ତା ରମେଶ ଚନ୍ଦ୍ର ବଳ ସାମାଜିକ ସମୀକ୍ଷକ ସମୀର କୁମାର ମହାନ୍ତି ପ୍ରମୁଖ ଯୋଗ ଦେଇ ଉପସ୍ଥିତ ସଭ୍ୟ ସଭ୍ୟା ହିତାଧିକାରୀ ଓ ବିଭିନ୍ନ ୱାର୍ଡ ବାସିନ୍ଦାମାନଙ୍କୁ କର୍ମଶାଳା ସମ୍ବନ୍ଧରେ ଅବଗତ କରାଇଥିଲେ । ଏହି ପରିପ୍ରେକ୍ଷୀରେ ନଥିଗତ ସମୀକ୍ଷା, ଦୃଷ୍ଟିଗତ ଆଲୋଚନା, ସୁଗଭୀର ସାକ୍ଷାତକାର, ମୁଖ୍ୟ ସୂଚନା ସାକ୍ଷାତକାର ଓ ଜନଶୁଣାଣି ଭଳି ପାଂଚ ଗୋଟି ଉପ କମିଟି ଗଠନ କରାଯାଇଥିଲା । ଆସନ୍ତା ୩୦.୦୪.୨୦୨୩ ଠାରୁ ଜନଶୁଣାଣି କରାଯିବ ବୋଲି ଜଣାଯାଇଛି । ଅନ୍ୟ ମାନଙ୍କ ମଧ୍ୟରେ ସତ୍ୟବାନ ନାଏକ, ସ୍ୱର୍ଣ୍ଣପ୍ରଭା ମହାରଣା, ସଚିକାନ୍ତ ଦେହୁରୀ ଓ ପ୍ରକାଶ ଚନ୍ଦ୍ର କୁଣ୍ଡୁ ପ୍ରମୁଖ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ ।