ଯୋଡା : ଟାଟା ଷ୍ଟିଲ୍ ଫାଉଣ୍ଡେସନ (ଟିଏସ୍ଏଫ୍) ପକ୍ଷରୁ ଯୋଡାଠାରେ ସୋମବାର ଗ୍ରାସରୁଟ ଫୁଟବଲ ଦିବସ ପାଳିତ ହୋଇଯାଇଛି I ଗ୍ରାମୀଣ ସ୍ତରରେ 12 ବର୍ଷ ରୁ କମ୍ ପୁଅ ଏବଂ ଝିଅ ମାନଙ୍କ ମଧ୍ୟରେ ଫୁଟବଲ ଖେଳର ପ୍ରଚାର ଏବଂ ପ୍ରସାର ପାଇଁ ଏବଂ ଏହି ଖେଳକୁ ଅଧିକରୁ ଅଧିକ ଲୋକପ୍ରିୟ କରାଇବା ଉଦେଶ୍ୟରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା I ଏହି ଦିନଟିକୁ ଏସିଆନ୍ ଫୁଟବଲ୍ ଫେଡରେସନ୍ ଗ୍ରାସରୁଟ ଫୁଟବଲ ଦିବସ ମଧ୍ୟ କୁହାଯାଏ I କେନ୍ଦ୍ରୀୟ ଖେଳ ପଡିଆଠାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ, ଯୋଡା ଏବଂ ପାର୍ଶ୍ଵବର୍ତ୍ତୀ ଅଞ୍ଚଳରେ ଟିଏସ୍ଏଫ୍ ଦ୍ଵାରା ତାଲିମ୍ ନେଉଥିବା ପ୍ରାୟ 200 ରୁ ଅଧିକ ପୁଅ ଏବଂ ଝିଅ ମାନେ ଯୋଗ ଦେଇଥିଲେ I ଏହି ଖେଳାଳି ମାନେ ସମୁଦାୟ 16 ଟି ଦଳରେ ଭାଗ ଭାଗ ହୋଇ ବନ୍ଧୁତ୍ୱପୂର୍ଣ୍ଣ ଫୁଟବଲ୍ ଖେଳିଥିଲେ ଯାହାକି ଦର୍ଶକମାନଙ୍କୁ ବହୁତ ଆନନ୍ଦିତ କରିଥିଲା I ପ୍ରଶିକ୍ଷକ ମାନେ ମଧ୍ୟ ନିଜ ଖେଳ କୌଶଳ ପ୍ରଦର୍ଶନ କରିଥିଲେ I ଏହି କାର୍ଯ୍ୟକ୍ରମ ରେ ଯୋଡା ମୁନିସିପାଲିଟି ର ଉପାଧ୍ୟକ୍ଷା ସନ୍ଧ୍ୟା ପାତ୍ର, ଅନ୍ୟ କାଉନସିଲର ମାନଙ୍କ ସହ ମୁଖ୍ୟ ଅତିଥି ଭାବରେ ଯୋଗ ଦେଇ ଉଦୀୟମାନ ଖେଳାଳି ମାନଙ୍କୁ ଉତ୍ସାହିତ କରିଥିଲେ I