ଭବାନୀପାଟଣା : ସ୍ଥାନୀୟ ଲାଲ ବାହାଦୁର ଶାସ୍ତ୍ରୀ ଷ୍ଟେଡ଼ିୟମ ଠାରେ ରାଜ୍ୟ କ୍ରୀଡ଼ା ଓ ଯୁବସେବା ବିଭାଗ ପକ୍ଷରୁ ଗ୍ରୀଷ୍ମକାଳୀନ ଫୁଟବଲ ପ୍ରଶିକ୍ଷଣ ଶିବିର ମଇ ୧ ରୁ ୨୨ ତାରିଖ ଯାଏଁ ଆୟୋଜିତ ହୋଇଯାଇଛି। ଏଥିରେ ୮ ରୁ ୧୨ ବର୍ଷ ବୟସର ୭୦ ଜଣ ଛାତ୍ର ଅଂଶଗ୍ରହଣ କରିଥିଲେ। ଜିଲ୍ଲା କ୍ରୀଡ଼ା ଛାତ୍ରାବାସ ପରିସରରେ ଆୟୋଜିତ ଉଦଯାପନୀ ସମାରୋହରେ ଛାତ୍ର ତଥା ସେମାନଙ୍କ ଅଭିଭାବକମାନେ ଉପସ୍ଥିତ ରହିଥିଲେ। ଅଂଶଗ୍ରହଣ କରିଥିବା ଛାତ୍ରମାନଙ୍କୁ ପ୍ରମାଣପତ୍ର ପ୍ରଦାନ କରାଯାଇଥିଲା। ଜିଲ୍ଲା କ୍ରୀଡ଼ା ଅଧିକାରୀ ତଥା ଭାରପ୍ରାପ୍ତ କୋଚ୍ ରମେଶ ଚନ୍ଦ୍ର ପାଢ଼ୀ ଓ ଦେବେନ୍ଦ୍ର କୁମାର ରାଉତଙ୍କ ତତ୍ତ୍ୱାବଧାନରେ କାର୍ଯ୍ୟକ୍ରମ ଆୟୋଜିତ ହୋଇଥିଲା।