ସିନାପାଲି : ନୂଆପଡ଼ା ଜିଲ୍ଲା ସିନାପାଲି ସ୍ଥିତ ସ୍ୱର ସଙ୍ଗମ କଳା ପରିଷଦ ପରିସରରେ ରେଡ଼ିଓ ସ୍ୱରସଂଗମ ୯୦.୮ ଏଫଏମ୍ ର ନାଟକ କାର୍ଯ୍ୟକ୍ରମ ପାଇଁ ଆଜି କଳାକାର ଚୟନ କରାଯାଇଛି । ଏ ଅବସରରେ ବେତାର ମାଧ୍ୟମରେ ପ୍ରଦର୍ଶିତ ହେବାକୁ ଥିବା “କାଳିଜାଈ” ନାଟକର ବିଭିନ୍ନ ଭୂମୀକା ପାଇଁ ଉଭୟ ପୁରୁଷ ଓ ମହିଳା କଳାକାର ଚୟନ କରାଯାଇଥିଲା । ପରିଷଦର ସଭାପତି ସଂଗୀତଜ୍ଞ ତ୍ରିନାଥ ମେହେରଙ୍କ ତତ୍ୱାବଧାନରେ ଅନୁଷ୍ଠିତ ଏହି ଚୟନ ପ୍ରକ୍ରିୟାର ବିଚାରକ ଭାବରେ ବରିଷ୍ଠ ମଂଚ କଳାକାର ତଥା ନାଟ୍ୟ ନିର୍ଦ୍ଦେଶକ ନରହରୀ ମେହେର, ଧୃବଚରଣ ମେହେର ଓ ତରୁଣ କୁମାର ମେହେର ଯୋଗ ଦେଇଥିଲେ । ଏଥିରେ ଆକାଂକ୍ଷା ତାଣ୍ତି, ଭୂମୀସୂତା ନାଏକ, ଶିବପ୍ରସାଦ ମେହେର, ସାନୁର୍ଯ୍ଯ ମେହେର, ମନୋଜ କୁମାର ଜଗତ, ଡମ୍ୱରୁଧର ମେହେର ପ୍ରମୁଖ କଳାକାର ଅଂଶ ଗ୍ରହଣ କରିଥିଲେ । ଅନ୍ୟମାନଙ୍କ ମଧ୍ୟରେ ପରିଷଦର ସଂପାଦକ ବୈଷ୍ଣବ ମେହେର, ବଂଶୀଧର ଜଗତ , ପ୍ରଦ୍ଯୁମ୍ନ କୁମାର ସିଂହ ଚିନ୍ଦା, ନିଲାଂଚଳ ମେହେର, ଅନନ୍ତ କୂଳଦୀପ ତଥା ପରିଷଦର ଅନ୍ୟ ସଦସ୍ୟ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଚୟନ କରାଯାଇଥିବା କଳାକାରଙ୍କୁ ନେଇ ଖୁବଶୀଘ୍ର ଏସଏସକେପି ଷ୍ଟୁଡ଼ିଓରେ ନାଟକର ରେକଡ଼ିଂ କରାଯାଇ ବେତାର ପ୍ରସାରଣ କରାଯିବ ବୋଲି ପରିଷଦ ତରଫରୁ ସୂଚନା ଦିଆଯାଇଛି ।